दुष्ट पुरुष जो हुन्छ भार्या अभागी छिन् तिनी
पत्नी दुष्ट हुने हुन्छ रोएको पतिको जिमी ।
नहाेस् मूर्ख कुनै मित्र कसैलाई कहीँ पनि
अनायास दिने दुःख कदापि सुख हुन्न नि ।।
बिज्ञापन
मुखाले सहयाेगी जो नबुझी मुख लाग्दछ
ठूला काम बिगारेर उसले नाश गर्दछ ।
सर्पकाे छ जहाँ बास नबस्नु त्यस ठाउँमा
बन्धु विराेधमा जो छन् नबस्नु त्यस गाउँमा ।।
बिज्ञापन
जति बाँड्याे त्यति बढ्छ न भारी हुन्छ बाेक्नमा
नबाँड्नु पर्छ बन्धुमा सजिलो छैन चाेर्नमा ।
विद्या धन अति श्रेष्ठ धनमा छ याे उत्तम
राजा मानिन्छ स्वदेश विद्वान सबमा नमः ।।
पुस्तकीय भए विद्या अरूका हातकाे धन
लाग्दैनन् यी दुवै काम जब पर्दछ खर्चन ।
दु:खमा घाटमा जाँदा जाे हुन्नन् साथमा यहाँ
त्याग त्यस्ता सबै बन्धु छैनन् काम जहाँतहाँ।।
बिज्ञापन
माता गुरु पिता साथै श्रद्धेय जनका प्रति
नभुल्नु गर्न सम्मान हुने तिम्राे छ उन्नति ।
निष्काम कर्ममा लाग्दा कर्मकाे फल फुल्दछ
सुनाैला लाग्दछन् बाला सुखी जीवन झुल्दछ ।।
दुष्ट सङ्गतले दुष्ट आत्मा दुष्ट बनाउँछ
अनेकाैँ विषका तुल्य बैगुनी गुन छर्दछ ।
अन्यायका भए कर्म पलका निम्ति टिक्दछ
त्यस्ताका घरमा लक्ष्मी नबसी सत्व भाग्दछ ।।
नखाऊ दुष्टकाेअन्न छाड सङ्गत तत्क्षण
मित्रता गर्नु पैल्यै नै हेर सत् सत्य लक्षण ।
समता र समभाव स्वरूप रम्नु पर्दछ
आत्म अमर याे सत्य मरिन्न बुझ्नु पर्दछ ।।
