बिज्ञापन
भिजिट भिसा प्रकरणमा अनुसन्धान गरिरहेका प्रहरी अधिकारीको गृहमन्त्री रमेश लेखकले सरुवा गरेका छन् ।
गृहमन्त्री रमेश लेखकले ११ जना डिआइजीहरुको पदस्थापन गर्दा अख्तियारमा कार्यरत रहेका नेपाल प्रहरीका नायव महानिरीक्षक (डीआईजी) हिमालयकुमार श्रेष्ठको सरुवा गरेका हुन ।
बिज्ञापन
श्रेष्ठले भिजिट भिसाको सेटिङमा जोडिएका त्रिवि अध्यागमन कार्यालयका तत्कालीन प्रमुख तीर्थराज भट्टराईसहित माथि अनुसन्धान गरिरहेका थिए । गृहमन्त्रीले पनि राजीनामा दिनु पर्ने र छानविनको दायरामा ल्याउनु पर्ने माग उठिरहेका बेला यो मुद्दाको अनुसन्धान गरिरहेको अख्तियारका प्रहरी प्रमुखलाई सरुवा गरेर काठमाडौँ उपत्यका प्रहरी कार्यालय रानीपोखरीमा पठाएका हुन । अख्तियारमा हालै बढुवा भएका डीआईजी ओमबहादुर रानालाई पदस्थापन गरिएको छ ।
श्रेष्ठ नेपाल प्रहरीमा काबिल अनुसन्धान अधिकृतका रुपमा चिनिन्छन् । अख्तियारले उनलाई अनुसन्धान टोलीमा समावेश गरेपछि मन्त्रालयले आज ११ जना डिआइजीको पदस्थापना गर्दा श्रेष्ठ त्यहाँबाट एकाएक धपाइएका छन् । उनको ठाउँमा अर्का डिआइजी ओमबहादुर रानालाई पठाइएको छ ।
बिज्ञापन
गृहमन्त्री लेखक र उनको सचिवालय मुछिएको यो प्रकरणमा अख्तियारले गम्भीर अनुसन्धान गरिरहेको बेला श्रेष्ठलाई बीचैमा सरुवा गर्नुलाई स्वाभाविक मानिएको छैन । यस अघि नक्कली भुटानी शरणार्थी प्रकरणमा पनि उच्च राजनीतिक नेतृत्वको नाम आउन थालेपछि प्रहरी अधिकारीहरु बीचमै सरुवामा परेका थिए ।
