राजपत्र अनंकित तहका कर्मचारीहरुदेखि उच्च तहका कर्मचारीहरुको व्यापक असन्तृष्टिका वावजुत निजामती सेवा विद्येयक प्रतिनिधि सभामा पेश हुने भएको छ । भोलि बिहान ११ बजे बस्न लागेको प्रतिनिधिसभामा संघीय निजामती सेवा विद्येयक प्रतिनिधि सभा विद्येयक पेश हुन लागेको हो ।
बिज्ञापन
राज्य व्यवस्था तथा सुशासन समितिका सभापति रामहरि खतिवडाले बुधवार बिहान ११ बजे बस्ने २०औँ बैठकमा यो विधेयक पेश गर्ने कार्यसूची रहेको छ ।
बिज्ञापन
मुलुक संघीयतामा गए पछि संविधानपछिको दोश्रो महत्वपूर्ण कानुन मानिएको निजामती सेवा विद्येयक भोलि प्रतिनिधि सभामा पेश गर्ने कार्यसूची रहेको छ । विद्येयक अघिल्लो शुक्रवार राज्यव्यवस्था तथा सुशासन समितिबाट पारित भएको थियो ।
विद्येयकमा तल्लो तहदेखि माथिल्लो तहका कर्मचारीहरूको असन्तुष्टि कायमै छ। तल्ला तहका कर्मचारीहरुले वृत्ति विकास,पदपूर्तिको व्यवस्था संशोधन हुनुपर्ने माग राख्दै आएका छन् । यस्तै स्थानीय र प्रदेशका कर्मचारीहरुले समेत उक्त विद्येयकप्रति असन्तृष्टि जनाउँदै आएका छन् । उच्च प्रशासकहरुले भने कुलिङ पिरियड लगायतका प्रावधानमा आपत्ति जनाउँदै आएका छन् ।
बिज्ञापन
