पछिल्लो समय हनी ट्रयापका घटनाहरु बढ्दै गएका छन् । सर्वसाधरणमात्र होइन,यो पासोमा प्रशासक,शासक,सुरक्षाकर्मी,नेताहरु नै फस्दै गएका छन् । यस्तै टीकटक गर्लको हनी ट्रयापमा परेका छन् सरकारी कर्मचारी ।
बिज्ञापन
अवकाशका मुखमा पुगेका ती कर्मचारी हनी ट्रयाप परेका छन् । काठमाडौँमा घर जग्गा,पर्याप्त सम्पत्ति र खर्चालु जीवनशैली बिताउँदै आएका ती कर्मचारीको समाजिक सञ्जाल (फेसबुक)मा ‘टिकटक गर्ल’ नामको उक्त रिक्वेस्ट युवतीको सुन्दर तस्वीर देखे पछि दायाँ बायाँ हेर्दैनन्,मित्रता स्वीकार्छन । ती कर्मचारी सामाजिक सञ्जालमा महिलासँग जोडिन्छन् ।
बिज्ञापन
हाई हेल्लोबाट सुरु भएको उनीहरूको गफगाफ अन्तरंग कुराकानीसम्म पुग्छ । टीकटक गर्लले कफीको प्रस्ताव गर्दछिन् । त्यसपछि मोवाइल नम्बर आदान प्रदान हुँदै ठमेलको एउटा होटलमा भेट्ने सल्लाहसम्म पुग्छन् ।
पहिलो भेटमा कफी खाएर छुट्टिएका उनीहरुको दोश्रो भेट ठमेलमा हुन्छ । ठमेलमा भएको भेटघाटको केही दिनपछि तिनै महिलाले ती कर्मचारीको नग्न फोटो र भिडिओ देखाएर काठमाडौँमा घर नभए चार आना जग्गा माग्न थाल्छन् । माग गरे अनुसार जग्गा जमिन नदिए यौन शोषणको मुद्दा लगाइदिने भन्दै बार्गेनिङ गर्ने थालेपछि पाँच लाख दिएर उम्किएका उनी तनावमा डुब्छन्, पुग्छन्, उपत्यका अपराध अनुसन्धान कार्यालयमा पुग्छन् र निवेदन दिन्छन् । निवेदनपछि उपत्यका अपराध अनुसन्धान कार्यालयले ती दुई महिलालाई बुधबार पक्राउ गरेको छ।
बिज्ञापन
पक्राउ पर्नेमा कैलालीको गोदावरी नगरपालिका १० दमौराकी ३४ वर्षकी ममता तामाङ र भक्तपुर नगरपालिका १७ सल्लाघारीकी ३४ वर्षकै आँचल श्रेष्ठ भन्ने आँचल चौगुठी रहेका छन्। ममता हाल काठमाडौँको कालोपुल र आँचल हाँडीगाउँ बस्दै आएकी थिइन्।
मुलुकी अपराध संहिताअनुसार आपराधिक लाभसम्बन्धी ‘हनी ट्रयाप’ जस्तो कसुरमा तीन वर्षसम्म कैद र ३० हजार रुपैयाँसम्म जरिवाना हुने व्यवस्था छ ।
