यस आर्थिक वर्षको अब दुई महिनाभित्रमा ६ सचिव, १४ सहसहसचिव अनिवार्य अवकाशमा जाँदैछन् । निजामती सेवामा ३८ बर्ष बिताएर बिहिबारमात्र संस्कृति पर्यटन तथा नागरिक उड्डयन मन्त्रालयका सचिव विनोदप्रकाश सिंह अनिवार्य अवकाशमा गएका छन् ।
बिज्ञापन
सिंह पछि अबको पाँच दिन पछि सचिव गणेशप्रसाद पाण्डे अनिवार्य अवकाशमा जाँदैछन् । हाल महालेखा नियन्त्रक रहेका पाण्डे यही वैशाख ३० गते घर जानेछन् । यस्तै जेठ २४ मा सचिव रघुराम विष्ट अवकाशमा जाँदैछन् । इञ्जिनियरिङ सेवाका सचिव मधु भेटवाल पनि आगामी महिना घर जानेछन् । यस्तै जेठ २९ मा कानुन, न्याय, तथा संसदीय मामिला उदयराज सापकोटा अवकाशमा जाँदैछन् । व्यवस्थापिका संसद् सचिवालयका सचिव सुदर्शन खड्का ०८२ साल जेठ ३० गते अवकाश हुँदैछन् । यस्तै ०८२ असार ६ गते वामदेव अधिकारी जागिरबाट घर जानेको सूचीमा छन् ।
बिज्ञापन
यस्तै अवको दुई महिनाभित्रैमा थप १४ जना सहसचिवहरु अवकाशमा जाँदैछन् । निजामती किताबखानाको तथ्यांक अनुसार,प्रशासन सेवाका ८ जना, इन्जिनियरिङ सेवाका ४ जना तथा परराष्ट्र सेवा र न्याय सेवाका एक एक जना सहसचिवहरू अनिवार्य अवकाशमा जाँदैछन् ।
अनिवार्य अवकाशमा जान लागेका सहसचिवहरुमा नारायणप्रसाद सापकोटा,बद्रीबहादुर कार्की, अरुणकुमार झा,हरिशचन्द्र घिमिरे,शिवराज चौलागाई,रामचन्द्र काफ्ले,चण्डिप्रसाद घिमिरे,रामेश्वर मरहठ्ठा,किरण रुपाखेती,नुरहरि खतिवडा,गोविन्दराज गौली पनि साउन अगावै अवकाश लागेर घर जानेछन् ।
बिज्ञापन
यस्तै सचिवहरु गणेशप्रसाद पाण्डे,रघुराम विष्ट, मधु भेटवाल,उदयराज सापकोटा, सुदर्शन खड्का र वामदेव अधिकारी जागिरबाट घर गएसँगै प्रशासन सेवाका २, इन्जिनियरिङ, कानुन, संसद्, लेखापरीक्षण सेवाका १/१ जना सहसचिव सचिवमा उक्लदैछन् ।
