सरकारले पछिल्लो तीन महिनामा १०६० जना कर्मचारीको सरुवा गरेको छ । संघीय मामिला तथा सामान्य प्रशासन मन्त्रालयका अनुसार खरिदारदेखि सहसचिव तहसम्मका गरी १०६० जना कर्मचारी यो अवधिमा सरुवा भएका हुन । मन्त्रालयका संघीय तथा स्थानीय शाखाबाट ती कर्मचारीहरु सरुवा भएको मन्त्रालयले जनाएको छ ।
बिज्ञापन
संघीय मामिला तथा सामान्य प्रशासन मन्त्रालयले पछिल्लो तीन महिनामा ३६१ जना कर्मचारी बढुवा भएको जनाएको छ ।
बिज्ञापन
मन्त्रालयका अनुसार गत माघ १ गते देखि चैत्र १ सम्मको तीन महिनाको अवधिमा सहसचिवबाट सचिवमा ११ जना,उप सचिवबाट सहसचिवमा ८८ जना बढुवा भएको जनाएको छ । यस्तै २३९ जना शाखा अधिकृतहरु यही अवधिमा उपसचिवमा उक्लिएका छन् । मन्त्रालयका अनुसार,शाखा अधिकृत तहमा २३ जना बढुवा भएका छन्,पछिल्लो तीन महिनामा ।
यस्तै यही बीचमा स्थानीय तह कर्मचारी प्रशासन शाखाबाट २१० उपसचिवहरुको सरुवा भएको मन्त्रालयले जनाएको छ । शाखा अधिकृत १६५ र नासु र खरिदार तहका ३९ जना कर्मचारीको सरुवा भएको जनाइएको छ । यस्तै ७६ जनालाई आर्थिक तथा प्रशासनिक जिम्मेवारी दिइएको मन्त्रालयले जनाएको छ । यो शाखाबाट ४१४ कर्मचारी सरुवा भएका छन्,तीन महिनामा ।
बिज्ञापन
मन्त्रालयको संघीय तथा प्रादेशिक कर्मचारी प्रशासन शाखाले यही अवधिमा सहसचिव तहका ९५,उपसचिव तहका १२६,शाखा अधिकृत तहका कर्मचारी १७७ र राजपत्र अनंकित तहका २४८ कर्मचारीको सरुवा गरेको छ । संघीय शाखाले पछिल्लो तीन महिनाको अवधिमा ६४६ जना कर्मचारीहरुको सरुवा भएको छ ।
मन्त्रालयका संघ,स्थानीय शाखाबाट तीन महिनाको अवधिमा १ हजार ६० कर्मचारीको सरुवा हुँदा यही अवधिमा १७३ जनाले नियुक्ति पाएको मन्त्रालयले जनाएको छ । यस्तै २७ जनाका लागि मन्त्रालयले सरुवा सहमति दिएको जनाएको छ ।
