नेपाली कांग्रेसका सभापति शेरबहादुर देउवा र उहाँकी पत्नी परराष्ट्रमन्त्री डा आरजु राणा देउवा स्वदेश फर्किन लागेका छन् । उपचारका लागि गतआइतबार बैंकका पुगेका बेला नेपालमा सत्ता गठबन्धनमै संशय पैदा भएको खबर बाहिरिरहेको छ । काँग्रेसभित्रै तिव्र धुव्रिकरण समेत भइरहेको अवस्था छ । देउवा दम्पत्ति आजै मध्यान्ह थाइ एयरको विमानबाट स्वदेश फर्किन लागेका हुन ।
बिज्ञापन
गत वैशाख ७ गते पूर्व प्रधानमन्त्री तथा नेपाली कांग्रेसका सभापति शेरबहादुर देउवा, उनकी पत्नी तथा परराष्ट्रमन्त्री आरजु राणा र छोरा जयवीर बैंकक निस्किएका थिए ।उनीहरु आजै अपरान्ह स्वदेश फर्किन लागेको जनाइएको छ ।
बिज्ञापन
तर देउवा दम्पत्ति विदेश गएको समयमा नेपाली कांग्रेसका वरिष्ठ नेता डा शेखर कोइरालासहित महामन्त्रीद्वय गगन थापा र विश्वप्रकाश शर्मा,पूर्ण बहादुर खड्का लगायतका दलका नेताहरूले सत्ता गठबन्धन यही ढंगबाट नचल्ने अभिव्यक्ति दिइरहेका छन् ।
उता हिजैमात्र डा शशांक कोइरालाको महाराजगञ्जस्थित निवासमा प्रभावशाली सात नेताहरूको बैठक बसेको थियो । सो बैठकमा विमलेन्द्र निधि, देउवाका खास मानिएका प्रकाशमान सिंह, डा शशांक कोइराला, कृष्णप्रसाद सिटौला, विजयकुमार गच्छदार, डा प्रकाशशरण महत र गोपालमान श्रेष्ठ लगायतको उपस्थिति रहेको थियो ।
सभापति देउवा उपचार र पारिवारिक भेटघाटको लागि थाइल्याण्डमा रहेका बेला महत पनि बैठकमा सहभागी हुनुलाई सत्ता गठबन्धनमा उत्पन्न संकट उत्पन्न भएको रुपमा अर्थाउनेहरु छन् ।
