महिला कर्मचारीले गर्भधारणको अवस्थामा मातृत्व विशेष बिदा पाउने भएका छन् । यो व्यवस्था संघीय निजामती सेवा विधेयकमा समेटिएको हो ।राष्ट्रिय स्वतन्त्र पार्टी (रास्वपा)की सांसद डा. चन्दा कार्की भण्डारीले यस्तो बिदाको प्रस्ताव गरेकी थिइन् । जसलाई राज्यव्यवस्था समितिमा रहेको संघीय निजामती सेवा विधेयकमा राखिएको छ ।
बिज्ञापन
निजामती सेवा नियमावलीमा महिला निजामती कर्मचारी गर्भवती भएमा सुत्केरीको अघिपछि गरी ९८ दिन प्रसूति बिदा लिन पाउने व्यवस्था छ ।सो व्यवस्था बमोजिम प्रसूति बिदा लिएका महिला निजामती कर्मचारीले चाहेमा कुनै पनि बिदाबाट कट्टा नहुने गरी थप छ महिनासम्म बेतलबी प्रसूति बिदा लिन सक्छन् । तर यस बमोजिमको बिदा लगातार रूपमा लिनुपर्ने व्यवस्था छ ।
बिज्ञापन
नेपाली काँग्रेसका सांसद दिलेन्द्र प्रसाद बडुका अनुसार गर्भधारण गरेपछि महिलाले बिदा माग्दा पाउने प्रबन्ध गर्ने विषयमा सहमति जुटेको छ ।उनका अनुसार यस्तो बिदा सुत्केरी भएपछि प्राप्त बिदामा कटौती हुने गरी दिन सकिने प्रावधान राखिनेछ ।
बिज्ञापन
