सरकारले एकै पटक ४७ जना सहसचिवहरुको सरुवा गरेको छ । सरकारले लामो समयदेखि अतिरिक्त समूहमा रहेका र अवधि पुगेका कर्मचारीहरुको सरुवा तथा पदस्थापन गरेको हो । जसमा २७ जना प्रशासन सेवाका,नपोल ईञ्जिनियरिङ सेवाका ७,कृषि र वन सेवाका ७,शिक्षा,स्वास्थ्य र विविध सेवाका कर्मचारीहरु रहेका छन् । जसमा २८ जनाको सरुवा,१८ जना कामकाज र १ जना सहसचिवलाई काजमा खटाइएको छ ।
बिज्ञापन
सरुवाको सूची अनुसार,१८ जना संघीय मामिला तथा सामान्य प्रशासन मन्त्रालयको अतिरिक्त समूहमा रहेका सहसचिवहरुलाई जिम्मेवारी दिएर विभिन्न मन्त्रालय,प्रदेशका कार्यालयहरुमा खटाइएको छ । १८ जनालाई प्रदेश सचिवका रुपमा प्रदेशमा खटन पटन गरिएको छ भने एक जनालाई प्रमुख प्रशासकीय अधिकृतको रुपमा महानगरपालिकामा खटाइएको छ ।
बिज्ञापन
सरुवाको सूची अनुसार रुद्र बहादुर कार्कीको लोक सेवा आयोगमा सरुवा गरिएको छ । यज्ञ पुरीको मुख्यमन्त्री तथा मन्त्रिपरिषद्को कार्यालय सुदूरपश्चिम प्रदेशमा कामकाजका लागि खटाइएको छ । त्यस्तै रोशन ज्ञवालीको उद्योग वाणिज्य तथा आपूर्ति मन्त्रालयमा सरुवा गरिएको छ । मोतिराम सापकोटाको मुख्यमन्त्री तथा मन्त्रिपरिषद् कार्यालय लुम्बिनी प्रदेशमा कामकाजका लागि खटाइएको छ । सरुवाको सूची अनुसार,मुक्तिराम अर्यालको लोकसेवा आयोगमा सरुवा गरिएको छ भने सहसचिव मुकेश डंगोललाई संस्कृति पर्यटन तथा नागरिक उड्डयन मन्त्रालयमा काजमा खटाइएको छ ।
बिज्ञापन
Notices-20250422185632606
