उद्योग, बाणिज्य तथा आपूर्ति मन्त्रालय मातहतको बाणिज्य, आपूर्ति तथा उपभोक्ता संरक्षण बिभागले सही नेतृत्व पायो भने काम गर्न सक्दोरहेछ भन्ने पुष्टि भएको छ । महानिर्देशकमा कुमार दाहाललाई नियुक्ति गरेपछि बजार अनुगमनलाई तीव्रता दिइएको छ । श्रीराम टोबाकोबाट उत्पादीत चार प्रकारका गुट्खामा उत्पादन, उपभोग्य मिति उल्लेख नभएको र तोकिएभन्दा कम तौल भेटिएको छ । वाणिज्य, आपूर्ति तथा उपभोक्ता संरक्षण विभागले मंगलबार अनुगमन गर्दा श्रीराम टोबाटोबाट उत्पादीत करेन्ट गुट्खा, भोला गुड्खा, पावार खैनी र जित खैनी चारै ब्राण्डका गुट्खामा उत्पादन, उपभोग्य मिति र तोकिएभन्दा कम तौल भेटिएको थियो ।
बिज्ञापन
मंगलबार वाणिज्य, आपूर्ति तथा उपभोक्ता संरक्षण विभागले ललितपुरको सानोपामा रहेको एक कम्पनीको डिलरमा अनुगमन गर्यो । पशुपतिनाथ इन्टरनेशनल विजनेश प्रालि नाम रहेको उक्त कम्पनी बुटवलमा उत्पादित गुट्खाको आधिकारिक डिलर हो । पशुपतिनाथ इन्टरनेशनल विजनेश प्रालिले काठमाडौँ, ललितपुर, भक्तपुर र काभ्रेगरी चार जिल्लाको डिलर सिपको जिम्मा पाएको छ ।
सबै ब्राण्डबाट कम्तीमा २०÷२५ वटा गुट्खाको परीक्षण गरेको थियो । प्याकेटमा २।१४ ग्राम उल्लेख गरिएको थियो, तर तौलँदा गर्दा उक्त तौल नै भेटिएन । एक÷दुई वटामा केही कैफियत होला भनेर अन्यको समेत परीक्षण गर्दा सबैमा एउटै तौल भेटिएको बिभागले जनाएको छ । ‘हामीले सबै ब्राण्डबाट कम्तीमा २०÷२५ वटा गुड्खाको परीक्षण गरेका थियौँ । प्याकेटमा २।१४ ग्राम उल्लेख गरिएको थियो, तर हामीले वेट गर्दा उक्त तौल नै भेटिएन । एक÷दुई वटामा केही कैफियत होला भनेर अन्यको समेत परीक्षण गर्दा सबैमा एउटै तौल भेटियो । सबैको एकै परिमाणको तौल भेटिएपछि उत्पादीत कम्पनीकै लापरवार्ही रहेको हाम्रो निष्कर्ष निकाल्यो,’ विभागका अनुसन्धान अधिकृत अमित झाले भने ।
बिज्ञापन
उपत्याकाका चार जिल्लामा डिलरसिपको जिम्मा पाएको पशुपतिनाथ इन्टरनेशनलले सातामै तीन ट्रक गुट्खा बिक्री वितरण गर्दै आएको जनाएको छ । अनुगमनका क्रममा उक्त कम्पनीका प्रतिनिधिले सातामा एक करोड ४० लाख रुपैयाँ भन्दा बढीको कारोबार हुने जनाएको वाणिज्य विभागले जनाएको छ । विभागका महानिर्देशक कुमार दाहालले उत्पादन मिति उल्लेख नहुनु र तोकिएभदा कम तौल भएका कारण अनुसन्धानमा तानिएको बताए । आइतबारसम्म कमल मालपानी बिभागको सम्पर्कमा नआएपछि कागजातसहित ३ दिनभित्र उपस्थित हुन महानिर्देशक दाहालले पत्र काटेका छन् ।
बिज्ञापन
