अख्तियार दुरुपयोग अनुसन्धान आयोगले प्रमुख प्रशासकीय अधिकृतसहित पाँच जनाविरुद्ध भ्रष्टाचार मुद्दा दायर गरिएको छ ।अख्तियारले उपमहानगरका तत्कालीन प्रमुख प्रशासकीय अधिकृत प्रहलाद प्रसाद वर्णवाल, शिक्षा अधिकृत विजय अधिकारी, जिन्सी प्रमुख राजेश ठाकुर, लेखा अधिकृत दिव्या सर्राफ र सागर देवी फर्माका सञ्चालक विमलेश शाहविरुद्ध मंगलबार विशेष अदालतमा आरोपपत्र दायर गरेको हो ।
बिज्ञापन
अख्तियार दुरुपयोग अनुसन्धान आयोगले गैर कानुनी लाभ तथा हानी पुर्याई भ्रष्टाचार गरेको आरोपमा प्रमुख प्रशासकीय अधिकृतसहित पाँच जनाविरुद्ध विशेष अदालत काठमाडौँमा मुद्दा दायर गरेको हो ।
बिज्ञापन
आयोगका अनुसार आर्थिक वर्ष २०७७/०७८ मा सेनिटरी प्याड खरिद गर्दा सार्वजनिक खरिद नियमावली एवं सेनिटरी प्याड (वितरण तथा व्यवस्थापन) कार्यविधिविपरीत काम गरी ५१ लाख ९९ हजार १२० रूपैयाँ बढी भुक्तानी दिएको आरोपपत्रमा उल्लेख छ । आयोगले सागर देवी फर्मा, हेटौँडा तथा उक्त फर्माका सञ्चाल विमलेश शाहले राष्ट्रसेवकसँगको मिलोमतोमा आर्थिक वर्ग २०७७/ ७८ को लागि सेनिटरी प्याड खरिद गर्दा प्रतिप्याकेटमा ५४ रूपैयाँको दरले ९६ हजार २८० प्याकेटको ५१ लाख ९९ हजार १२० बढी भुक्तानी लिएको देखिएको उनीसहित कर्मचारीहरुलाई प्रतिवादी बनाएर आरोप पत्र दायर गरेको हो ।
आयोगका अनुसार अघिल्लो आर्थिक बर्षमा प्रति प्याकेट ७८ मा खरिद गरिएको सेनिटरी प्याड खरिद गर्दा पछिल्लो आर्थिक बर्षमा प्रतिप्याकेट २४ रूपैयाँमा खरिद गरेको देखिएकोले पछिल्लो वर्षभन्दा अघिल्लो वर्ष प्रतिप्याकेटमा ५४ रूपैयाँको दरले ९६ हजार २८० प्याकेटको जम्मा ५१ लाख ९९ हजार १२० बढी भुक्तानी गरेको हुँदा प्रहलाद प्रसाद वर्णवाल, विजय अधिकारी, राजेश ठाकुर हजाम र दिव्या सर्राफलाई सोही बराबरको बिगो कायम गरी कैद र बिगो बमोजिम जरिवाना सजाय गर्न माग गरिएको अख्तियारको आरोप पत्रमा उल्लेख छ ।
बिज्ञापन
