नेपाल सरकार मन्त्रिपरिषद्को सोमबार साँझ बसेको बैठकले एक बैंकको सञ्चालक समिति सदस्यलाई महत्वपूर्ण राजनीतिक नियुक्ति दिएको छ । बालुवाटारमा बसेको मन्त्रिपरिषद्को बैठकले नेपाल उद्योग वाणिज्य महासंघका अध्यक्ष समेत रहेका चन्द्र ढकालको ग्लोबल आइएमइ बैंकको सञ्चालक समिति सदस्य रहेकी भगिरथी भट्टलाई महत्वपूर्ण सरकारी नियुक्ति दिएको हो ।
बिज्ञापन
क्याविनेट बैठकले विद्युत नियमन आयोगको सदस्य पदमा भागीरथी भट्टराई ज्ञवालीलाई नियुक्त गर्ने निर्णय गरेको हो । काठमाडौंकी ज्ञवाली ग्लोबल आईएमई बैंकको सञ्चालक समिति सदस्यको समेत जिम्मेवारीमा छिन् । गत १० साउनमा बसेको सञ्चालक समितिको बैठकले ज्ञवालीलाई बैंकको स्वतन्त्र सञ्चालकका रुपमा नियुक्त गरेको थियो । त्रिभुवन विश्वविद्यालयबाट जनप्रशासन र अर्थशास्त्रमा स्नातकोत्तर गरेकी ज्ञवाली लामो समयदेखि अध्यापन र विभिन्न संघ संस्थामा संलग्न छिन् ।
बिज्ञापन
ऊर्जामन्त्री दीपक खड्काको प्रस्तावमा उनलाई यो राजनीतिक नियुक्ति दिइएको हो।
बिज्ञापन
