प्रशासन सेवातर्फ रिक्त हुन पुगेको एक सचिव पदमा बढुवाका लागि तीन बरिष्ठ सहसचिवको नाम सिफारिस भएको छ । लोक सेवा आयोगका अध्यक्ष माधव प्रसाद रेग्मीको अध्यक्षतामा बसेको सचिव बढुवा सिफारिस समितिको बैठकले सहसचिवत्रय बिरेन्द्रकुमार यादव, मदन भुजेल र चन्द्रकला पौडेलको नाम सिफारिस गरेको हो ।
बिज्ञापन
नक्कली भुटानी शरणार्थी प्रकरणमा मुछिएर पुर्पक्षमा जेल चलान भएर निलम्बनमा परेका सचिव टेकनारायण पाण्डे फागुन १२ गते ५ वर्षे सेवा अवधिका कारण अनिवार्य अवकाशमा गएपछि उक्त ठाउँमा बढुवाका लागि ३ सहसचिवको नाम सिफारिस भएको हो।
बिज्ञापन
पहिलो नम्बरमा सिफारिस भएका यादव राष्ट्रिय योजना आयोगमा अनुगमन तथा मूल्यांकन महाशाखा प्रमुखको जिम्मेवारीमा छन् भने दोस्रो नम्बरमा सिफारिस भएका भुजेल मधेस प्रदेश सरकारको कामु प्रमुख सचिव छन् । यस्तै तेस्रो नम्बरमा सिफारिस भएका पौडेल भौतिक पूर्वाधार तथा यातायात मन्त्रालयमा प्रशासन महाशाखा प्रमुखको जिम्मेवारीमा छन् ।उनी यस अघि नै सचिव बढुवाका लागि सिफारिस भइसकेका सहसचिव हुन ।
सिफारिस हुनेमा राष्ट्रिय योजना आयोगका सहसचिव वीरेन्द्रकुमार यादव, मधेश प्रदेशका कायममुकायम प्रमुख सचिव मदन भुजेल र भौतिक पूर्वाधार तथा यातायात मन्त्रालयकी सहसचिव चन्द्रकला पौडेल रहेका छन्। उनीहरूमध्ये १ जनालाई आगामी मन्त्रिपरिषद्को बैठकले सचिवमा बढुवा गर्नेछ।
बिज्ञापन
२०६६ असोजमा मधेशी कोटाबाट सहसचिव भएका वीरेन्द्रकुमार यादव साढे १५ वर्षपछि सचिवमा बढुवा हुन लागेका हुन्। सचिव बढुवा हुन आवश्यक पर्ने उच्चस्तरीय कार्यकारी विकास कार्यक्रम (एसईडीपी) तालीम नलिएका कारण उनी सहसचिवमै खुम्चिएर बसेका थिए । ०५६ सालमा निजामती कर्मचारीको सामान्य प्रशासन सेवामा प्रवेश गरेका उनले त्यसको १० वर्षपछि अर्थात् ०६६ मा सहसचिवमा नाम निकाले । उनी सँगैका सहसचिवहरू बैकुण्ठ अर्याल, बुद्धिबहादुर खड्का, यादवप्रसाद कोइराला, रामप्रसाद थपलिया सचिव भएर अवकाश भइसकेका छन् ।
उनीभन्दा कनिष्ट सहसचिवहरु दीपक सुवेदी, केवल भण्डारी, हरि पौडेल, हरिप्रसाद बस्याल, सुरेश अधिकारी, तोयानाथ ज्ञवाली, तोयाम राय, दिनेश भट्टराई, रामकृष्ण सुवेदी, एकनारायण अर्याल, रामशरण पुडासैनी, अर्जुनप्रसाद पोखरेल, मानबहादुर बिके, विष्णुप्रसाद नेपाल, मधुकुमार मरासिनी, वीरबहादुर राईसमेत गरी १७ जनाले सचिव (विशिष्ट श्रेणी) को जिम्मेवारी पाएर केही अवकाशमा गइसकेका छन् । एकनारायण त मुख्यसचिवको कुर्सीमा छन ।
यस अघि यस्तो तालिम नलिँदा लक्ष्मीकुमारी बस्नेत, कृष्णबहादुर राउत, राधिका अर्याल समेत ढिलो गरी सचिवमा बढुवा भएका थिए । सोही समयमा सचिव बढुवा हुँदा अवकाश पछि पेन्सन नपाउने हुँदा उनले सहसचिवमै खुम्चिएर बसेका थिए ।
सरकारको सेवा गरेपछि निवृतिभरण पाउने गरी निवृत हौं भन्ने पनि हो । यस अघि दीपेन्द्र विक्रम थापा र युवकध्वज जिसी पेन्सनको लालचा गरेर सहसचिवमै लामो समय कुरिरहेनन् । खुला प्रतिष्प्रर्धाबाट सहसचिवमा नाम निकालेका थापा पाँच वर्ष सचिवका रुपमा रहेर अवकाशमा गए । यस्तै हालको सिचाँई सचिव सरिता दवाडी पनि अवकाश पछि पेन्सन पाउने छैनन् ।
