प्रधानमन्त्री तथा मन्त्रिपरिषद्को कार्यालयले तयार पारेको कार्यसम्पादन रिर्पोटमा संघीय मामिला तथा सामान्य प्रशासन मन्त्री राजकुमार गुप्ता अनुत्र्तिण भएका छन् । मन्त्रालयले हालै सार्वजनिक गरेको
चालू आर्थिक वर्षको ६ महिनाको मन्त्रालयगत अर्धवार्षिक नतिजा अनुसार गुप्ताले कमाण्ड गरेको संघीय मामिला तथा सामान्य प्रशासन मन्त्रालयको कार्यसम्पादन झुर देखिएको हो ।
बिज्ञापन
कार्यसम्पादनमा मन्त्री गुप्ताले जम्मा २५ अंकमात्र पाएका छन् । सबैभन्दा झुर कार्यसम्पादन भौतिक मन्त्रालयको देखिएको छ । मन्त्रीको जिम्मेवारीमा रहेका देवेन्द्र दाहालले ७ दशमलव ९ अंक पाएका छन् । रिर्पोट अनुसार ओली क्याविनेटका १२ मन्त्री फेल भएका छन् । सरकारबाट सम्पादन भएका क्रियाकलाप (काम) तथा माइलस्टोन (लक्ष्य) को विषयमा प्रधानमन्त्री तथा मन्त्रिपरिषद्को कार्यालयले छुट्टाछुट्टै मूल्यांकन गर्दै आएको छ । हालै सार्वजनिक भएको ४० पृष्ट लामो उक्त प्रतिवेदन अनुसार,सरकारको ६ महिने कार्यशैली सन्तोषजनक छैन भन्छ,प्रतिवेदनले ।
बिज्ञापन
सरकारको वार्षिक नीति तथा कार्यक्रम र बजेटका आधारमा प्रधानमन्त्री तथा मन्त्रिपरिषद्को कार्यालयसहितका विविध २८ निकायका क्रियाकलाप र माइलस्टोनलाई एकीकृत अनुगमन प्रणालीमा प्रविष्ट गरिएका थिए । तर, ती निकायको क्रियाकलाप कार्यान्वयन तथा माइलस्टोन प्राप्तिमा अपेक्षित नतिजा हासिल हुन नसकेको उक्त रिर्पोटमा उल्लेख छ ।
बिज्ञापन
सरकारले वार्षिक कार्ययोजनामा उल्लेख क्रियाकलाप तथा माइलस्टोनलाई आधार बनाएर प्रधानमन्त्री कार्यालयले त्यसको कार्यान्वयन गरेर प्रतिवेदन बनाएको हो । जस अनुसार महिला, बालबालिका तथा ज्येष्ठ नागरिक मन्त्री नवलकिशोर साह सुडीको १० दशमलव ७ प्रतिशत, युवा तथा खेलकुद मन्त्री तेजुलाल चौधरीको १५ दशमलव ३ प्रतिशत मात्र अंक पाएका छन् । यस्तै , सञ्चार तथा सूचना प्रविधि मन्त्री पृथ्वीसुब्बा गुरुङको १८ दशमलव ५ प्रतिशत, श्रम, रोजगार तथा सामाजिक सुरक्षा मन्त्री शरतसिंह भण्डारीको १८ दशमलव ७५ प्रतिशत र खानेपानी मन्त्री प्रदीप यादवको २४ दशमलव ५५ प्रतिशत अंक ल्याउँदा शिक्षा, विज्ञान तथा प्रविधि मन्त्री विद्या भट्टराईको २४ दशमलव ५५ प्रतिशत, संघीय मामिला तथा कानून मन्त्री राजकुमार गुप्ताको २५ प्रतिशत अंक ल्याएका हुन ।
यस्तै प्रतिवेदन अनुसार,२८ वटा मन्त्रालयरनिकायहरूको १ हजार १० क्रियाकलाप र १ हजार ९६१ माइलस्टोनका तय गरिएकामध्ये ६५१ वटा पुससम्म सम्पन्न गर्ने लक्ष्य राखिएकोमा लक्ष्यको ४६.९ प्रतिशत मात्र सम्पन्न भएका छन् । ६ महिनामा सक्ने भनिएका माइलस्टोनमध्ये ४२ दशमलव १ प्रतिशत चालु अवस्थामा छन् भने ११ प्रतिशत प्रारम्भै भएका छैनन् । अघिल्ला आर्थिक बर्षको यही अवधिसँग लेखाजोखा गर्ने हो माइलस्टोनका क्रियाकलाप सन्तोषजनक छैन भन्छ,सो रिर्पोटले ।
यस्तै,पुस मसान्तसम्म सम्पन्न हुनुपर्ने गरी निर्धारित १५७ वटा क्रियाकलापमध्ये यस अवधिसम्ममा १७ दशमलव २ प्रतिशत सम्पन्न, ७९ दशमलव ६ प्रतिशत चालु र ३।२ प्रतिशत शुरु नै भएका छैनन् । चालु आर्थिक बर्षका लागि निर्धारित कुल १,९६१ वटा माइलस्टोनमध्ये पुस महिनासम्ममा १५ दशमलव ६ प्रतिशत माइलस्टोन सम्पन्न भएका छन् । यस्तै पुस महिनासम्ममा सम्पन्न हुने भनी निर्धारण गरिएका ६२१ माइलस्टोनमध्ये ५५ दशमलव ६ प्रतिशत लक्ष्य प्राप्त भएका,३९ दशमलव ९ प्रतिशत लक्ष्य प्राप्त नभएका र ४ दशमलव ५ प्रतिशत शुरु हुन नसकेको प्रतिवेदनले भनेको छ ।
