बिज्ञापन

बिज्ञापन

नाताले बाबु छोरा पर्ने कृष्ण र भिष्म पछिल्लो समय भीम रावलको गतिविधिमा संलग्न भएको पाइएपछि कारबाही गर्न सिफारिस गरिएको नेकपा एमाले कैलालीले जनाएको छ । उनीहरु एमालेमा भीम रावल निकट मानिंदै आएका थिए । रावल कारबाहीमा परेपछि उनले चलाएको मातृभूमि जागरण अभियानमा दुवै जना सक्रिय भएका छन् ।

यस अघि पार्टी नेतृत्वविरुद्ध सामाजिक सञ्जालमा मनपरी लेखेको आरोपमा नेकपा एमालेका नेता तथा पूर्व प्रदेश सांसद विमल कार्की कारबाहीमा परेका छन् ।
प्रधानमन्त्रीसमेत रहेका अध्यक्ष केपी शर्मा ओलीको मानहानी हुनेगरी स्ट्याटस लेखेको आरोपमा उनलाई निलम्बन गरिएको हो । कार्कीलाई ६ महिनाका लागि पार्टी सदस्यबाट हटाइएको एमालेले जनाएको छ ।

पार्टी अनुशासन उल्लंघन गरेपछि प्रदेश कमिटीले उनलाई स्पष्टीकरण सोधेको थियो । तर,जवाफ चित्तबुझ्दो नभएको भन्दै पछिल्लो सचिवालय बैठकले कारबाहीको निर्णय गरेको थियो । सो निर्णयलाई प्रदेश कमिटी बैठकले अनुमोदन गरेसँगै कार्की निलम्बनमा परेका हुन् । यस अघि एमालेले गत मंसिरमा अर्का एक जना माननीयमाथि पनि जथाभावी बोलेको आरोपमा अनुशासनको कारबाही गरेको थियो । बाँके १ (ख) बाट निर्वाचित लुम्बिनी प्रदेशका सांसद दुर्गाप्रसाद चौधरीलाई एमालेले सदस्यताबाट निलम्बन गरेको हो । यस अघि भीम रावलसँगै नुवाकोटका नेतृद्धय उषाकिरण तिमिल्सिना र विन्दा पाण्डेलाई एमालेले निस्कासन गरिसकेको स्थिति छ ।