संघीय मामिला तथा सामान्य प्रशासन मन्त्री राजकुमार गुप्ताले बारास्थित जीतपुर सीमरा उपमहानगरपालिकाको प्रमुख प्रशासकीय अधिकृत उर्मिला काफ्लेको सरुवालाई आफ्नो प्रतिष्ठाको बिषय बनाएका छन् ।
मन्त्री नियुक्त भएदेखि नै त्यहाँका प्रमुख प्रशासकीय अधिकृत काफ्लेलाई सरुवा गराउन खोजे,सकेनन् । उनी मन्त्री नियुक्त हुनुभन्दा दुई महिना अगाडि मात्र उर्मिला काफ्लेले जीतपुरसिमरा उपमहानगरपालिकाको प्रमुख प्रशासकीय अधिकृतको जिम्मेवारी सम्हाल्न पुगेकी थिइन । ३१ असार मा राजकुमार गुप्ताले सामान्य प्रशासन मन्त्रालयको जिम्मेवारी सम्हालेको चार दिनपछि नै आफ्ना पूराना दोस्त तथा जितपुर सीमराका वडा अध्यक्षको आग्रहमा उर्मिला काफ्लेलाई सरुवा गर्ने निर्णय तुरुन्तै गरिदिए । ३ श्रावणमा मन्त्रालयले काफ्लेलाई फिर्ता बोलाएर चेतकुमार पोखरेललाई जिम्मेवारी तोकिएको पत्र पठायो । तर विनाकारण आफूलाई सरुवा गर्ने निर्णय विरुद्ध काफ्ले अदालत गइन् । यही घटना पछि कुरा विग्रदै गएको हो । यतिले मात्र मन्त्रीको रिस मरेन, गुप्ताले काफ्लेको अमेरिका मनोनयन नै रद्द गरिदिए ।
बिज्ञापन
मन्त्रालयले २७ भदौको क्याविनेटबाट सहसचीब विरेन्द्रदेव भारतीलाई प्रमुख प्रशासकीय अधिकृतको रुपमा जिम्मेवारी तोक्यो । काफ्लेले त्यसका विरुद्ध पनि अदालतको अवहेलना भएको भन्दै रिट दायर गरिन । सर्वोच्च अदालतले गत मंसीर १० मा उनले दायर गरेका दुबै रिट खारेज गरेको थियो । रिट खारेज भएपछि मन्त्रालयले नयाँ प्रमूख प्रशासकीय अधिकृत पठाउने बाटो खुल्ला भयो । र यही पछि मन्त्रालयले काफ्लेलाई अछामको २पञ्चदेवल विनायक नगरपालिकाको प्रमुख प्रशासकीय अधिकृतको रूपमा खटाइएको थियो गत ०८० मंसिर १६ गते ।
बिज्ञापन
यसरी खटाइएको काफ्ले सम्बन्धित ठाउँमा नगएको भन्दै पुस १२ गते रमाना बुझ्न अर्काे पत्र काटिएकोमा पुन २४ घण्टाभित्र रमाना बुझ्न मन्त्रालयले अल्टिमेट दिएको छ ।
के मन्त्रीले काफ्ले झैं सबै कर्मचारीलाई सरुवा भएकै ठाउँमा खटाउन सकेका छन् त ?
अर्काे उदाहरण हेरौं गत भदौं २७ गते एक उपसचिवलाई पालिकामा प्रमुख प्रशासकीय अधिकृतको खटाइएको छ,गणेश तमाङलाई, उनी मन्त्रायको बरण्डामा थिए । उनलाई सर्लाहीको मलंगवा नगरपालिकामा खटाएको चार महिना व्यतित भइसक्दा समेत उनी खटाइएको स्थानमा गएका छैनन् । संघीय मामिला तथा सामान्य प्रशासनको अतिरिक्त समूहमा रहेका उनलाई सो पालिकामा खटाएको चार महिना व्यतित भइसक्दा समेत तमाङलाई त्यहाँ पठाउन सकेको छैन । सो पालिकामा अहिले शिक्षा सेवा तर्फका दशौं तहका अधिकृत होमनाथ सुवेदी प्रमुख प्रशसकीय अधिकृतको जिम्मेवारीमा छन् । पालिका स्रोतका अनुसार उनी ०७५ सालदेखि अहिलेसम्म सोही पालिकाको प्रमुख प्रशासकीय अधिकृतको भूमिकामा छन् । बीचमा शिक्षा मन्त्रालयबाट खटिएका गेहनाथ गौतम हाल शिक्षक सेवा आयोग र रञ्जित यादव केही महिना त्यहाँको प्रमुख प्रशासकीय भए पनि उनी ०७५ सालदेखि निरन्तर उक्त पालिकामा प्रमुख प्रशासकीय अधिकृतको जिम्मेवारीमा रहेका छन । त्यसरी तमाङलाई न त रमाना बुझ्न न त २४ घण्टे अल्टिमेटम पत्र नै काटेको छ सामान्यले ।
बिज्ञापन
यस्तै गरी संघीय मामिला तथा सामान्य प्रशासन मन्त्रालयले शाखा अधिकृत कृष्णनन्दन रायको सरुवा गरेको तीन महिना व्यतित भइसक्दा समेत पालिका छाडेका छैनन् । मन्त्रालयले असोज १४ गते अधिकृत केशवराज पार्थे हस्ताक्षरित पत्रमा प्रमुख प्रशासकीय अधिकृतका रुपमा कार्यरत काफ्ले र रायलाई रमाना बुझ्न पत्र काटिएको थियो गत पुस १२ गते । तर दश दिन बित्दा समेत खटाइएको ठाउँमा नगएको भन्दै अर्को पत्र काटिएको हो । जगरनाथपुर गाउँपालिकाको प्रमुख प्रशासकीय अधिकृत रायलाई भूमि मन्त्रालयमा सरुवा गरेको थियो तर तीन महिना पूरा भइसक्दा समेत उनी त्यहाँबाट सरुवा भएका छैनन् । मन्त्रालयले उनी उपर समेत कुनै कारवाही गर्न सकेको छैन । यो बीचमा गत पुस १२ मा रमाना बुझ्न अर्को पत्र सम्म काटेको छ ।
यस्तै संघीय मामिला तथा सामान्य प्रशासनमन्त्री राजुकमार गुप्ताको प्रतिष्ठाको बिषय बन्दा एक सहसचिवलाई भने मन्त्रालयले २४ घण्टे अल्टिमेटम पत्र काट्यो तर अरुको हकमा त्यसरी अल्टिमेटम पत्र काटिएको भेटिएको छैन ।
