नेपाल प्रहरीका पूर्वप्रमुख सर्वेन्द्र खनालले नेकपा एमाले छाडेको घोषणा गरेका छन् ।
बिज्ञापन
सामाजिक सञ्जाल फेसबुकमा उनले स्ट्याटस लेख्दै भनेका छन्, ‘हजुरहरुलाई मेरो राजनीतिक स्थितिबारे अन्यौलमा परेको महसुस गरेर म यसै माध्यमबाट स्पष्ट पार्न चाहन्छु कि म अहिले कुनै पनि राजनीतिक पार्टीसँग आबद्ध छैन ।’
बिज्ञापन
खनाल २०७९ असोज ६ गते एमाले प्रवेश गरेका थिए । त्यसपछि मंसिरमा भएको प्रतिनिधिसभा निर्वाचनमा एमालेको तर्फबाट काठमाडौं क्षेत्र नं. ६ बाट उम्मेदवारी दिएका थिए । उक्त निर्वाचनमा राष्ट्रिय स्वतन्त्र पार्टी (रास्वपा)का उम्मेदवार शिशिर खनाल १४ हजार २०४ मत ल्याएर निर्वाचित भए भने ८ हजार ९११ प्राप्त गरेका थिए ।
पछि २०८० वैशाखमा तनहुँमा भएको उपनिर्वाचनमा पनि खनालले एमालेको तर्फबाट उम्मेदवारी दिए । तनहुँ-१ मा पनि रास्वपाका उम्मेदवार स्वर्णिम वाग्लेसँग खनाल पराजित बन्न पुगे ।
बिज्ञापन
