घरमै घुस बुझ्ने एक प्रहरीलाई अख्तियारले नियन्त्रणमा लिएको छ । काम सहजीकरण गरिदिने भन्दै २५ हजार घुस रकम बुझ्ने जिल्ला प्रहरी कार्यालयका प्रमुखलाई अख्तियारबाट खटिएको टोलीले आज नियन्त्रणमा लिएको हो ।
बिज्ञापन
जिल्ला ट्राफिक प्रहरी कार्यालय रोल्पाका प्रमुख प्रहरी नायब निरीक्षक (सई) ललितकुमार बुढाथोकीलाई यसरी घुस रकमसहित पक्राउ गरेको । अख्तियार दुरुपयोग अनुसन्धान आयोगको बुटवलबाट खटिएको टोलीले उनलाई उनको निवासबाटै घुस रकमसहित पक्राउ गरेको अख्तियारले जनाएको छ ।
बिज्ञापन
रोल्पा नगरपालिका–४, स्थित निवासमा सेवाग्राहीसँग २५ हजार रुपैयाँ घुस लिइसकेको अवस्थामा बुढाथोकीलाई पक्राउ गरिएको अख्तियारले जनाएको छ ।
उनले सवारीसाधन आवतजावतमा सहजीकरण गराइदिने प्रलोभनमा घुस मागेको प्रारम्भिक अनुसन्धानको क्रममा पाइएको आयोगले जनाएको छ । उनले सवारी आवतजावत सहजीकरण गरिदिने भन्दै २५ हजार रुपैयाँ घुस लिएको पाइएसँगै अख्तियारको टोलीले उनलाई निवासबाटै पक्राउ गरेको हो ।
बिज्ञापन
