पाँच बर्षे कार्याकालका लागि सचिवमा नियुक्ति भएका सुरेश अधिकारीले पाँच महिनामै राजीनामा दिए पछि अब त्यहाँ लैजाने पात्र को होलान ? चासो र चर्चा छ । सुरेश अधिकारीले जागिरबाट फ्रष्टेड भएर राजीनामा दिएको उनी निकटकाहरु बताउँछन् । बैकुण्ठ अर्याल सहज रुपमा बर्हिगमन भएको भए मुख्यसचिव हुने थिए सुरेश । तर विकल र सुनिल पौडेलहरुको खेलोमेलोमा बैकुण्ठ अर्यालहरु पर्दा मुख्यसचिव बन्ने बाटै व्लक भयो । शिक्षा मन्त्रालयको सचिव हुँदै अवकाश गए वैशाखमा । अवकाशको दुई महिना पछि उनलाई प्रतिनिधि सभाको सचिवको जिम्मेवारी दिइयो । तर पाँचै महिनामा उनी किन बाहिरिए होला ?
बिज्ञापन
स्रोत भन्छन्,एकातिर संसदमा रमाउन नसक्नु अर्कातर्फ संवैधानिक आयोगको पदाधिकारीमा कुरा चल्नुले अधिकारीको राजीनामा आएको हो । अर्कातिर संसदमा कांग्रेसको प्रतिनिधित्व शून्य छ । सभामुख,उपसभामुख, राष्ट्रिय सभा अध्यक्ष, उपाध्यक्ष सबै काँग्रेस इतरका छन् । महासचिव पनि कांग्रेस निकट होइनन्, सचिव पनि कांग्रेसका नहुँदा काँग्रेसले त्यहाँ अप्ठ्यारो महसुस गरिरहेको छ । त्यही कारण कांग्रेसले आफू निकटको सचिव प्रतिनिधिसभामा छिराउन चाहन्छ । त्यसका लागि अधिकारीलाई संबैधानिक निकायमा पठाएर रिक्त सचिवमा कांग्रेसीलाई बनाउने चालबाजी हो भन्ने तर्क गर्नेहरु पनि छन् ।
बिज्ञापन
उसो त संसदभित्रैका कर्मचारीलाई सचिव बनाउनु पर्दछ भन्नेमा आवाज पेचिलो हुँदै गएको छ । अहिले संघीय संसदमा ११ जना सहसचिवहरु छन् । तीमध्ये एकराम गिरीको प्रवल सम्भवना छ भनिन्छ । गिरी अहिले संघीय संसद सचिवालयको प्रवक्ताको भूमिकामा छन् । यसअघि प्रवक्ता रहेका सहसचिव डा रोजनाथ पाण्डे सचिवमा बढुवा भए पछि गिरीले प्रवक्ताको भूमिका निर्वाह गर्दै आएका छन् । उनी सार्वजनिक लेखा समितिको सभापति समेत हुन ।
यो यस्तो जिम्मेवारी हो,सरकारले चाहेको खण्डमा उपसचिव तहका कर्मचारीलाई त्यहाँ लगेर सचिव बनाउन सक्छ । सभामुख देवराज घिमिरेसँग नजिक रहेर काम गरिरहेको,संसद सेवा बुझेको कर्मचारी भएको र राजनीतिक दलहरुमा पनि संसदभित्रैका कर्मचारीलाई सचिव बनाइनुपर्दछ भन्ने ढङ्गबाट विचार आउन थालेका कारण एकराम त्यहा लगिए अनौठो र नराम्रो नहुने तर्क गर्दछन्,संसद सेवाकै कर्मचारी ।
बिज्ञापन
४८ सालदेखि संसदका सचिव बनेकामध्ये मनोहर भट्टराईमात्र सोही सेवाका हुन । पछि उनी महासचिव बने भरत गौतम पनि सोही सेवाबाट महासचिवको भूमिकामा पुगे । प्रशासनका कर्मचारीलाई टिपेर संसदमा छिराउँदा उस्लाई संसद बुझ्नै एक डेढ बर्ष लाग्ने हुँदा सोही सेवा समूह बुझेको कर्मचारीलाई सचिव बनाउनु पर्दछ भन्ने आवाज संसद सेवाभित्रैबाट उठ्न थालेको छ ।
