विशेष अदालतले अन्त शुल्क स्टिकर छपाई प्रकरणमा सजाय तथा जरिवाना निर्धारण गरेको छ । अन्तःशुल्क स्टिकर छपाइमा भएको भ्रष्टाचार मुद्दामा दोषी ठहर भएका विकल पौडेल र सफल श्रेष्ठलाई जनही ८ वर्ष कैद र ३ करोड ४२ लाख २२ हजार ८ सय रुपैयाँ बिगो र त्यसै बराबर जरिवाना निर्धारण गरेको हो ।
बिज्ञापन
विशेष अदालतका अध्यक्ष टेकनारायण कुँवर, न्यायाधीश खुशीप्रसाद थारु र रितेन्द्र थापाको इजलासले सजाय निर्धारण गरेको हो । यस अघि नै विशेष अदालतले २०८१ कात्तिक १४ गते फैसला सुनाउँदै तत्कालीन मुख्यसचिव वैकुण्ठ अर्यालसहितलाई सफाइ दिने निर्णय गरेको थियो भने पौडेल र श्रेष्ठलाई मात्र दोषी ठहर गरेको थियो ।
विशेषबाट सफाइ पाए लगतै पूर्व मुख्यसचिव सचिवले पदबाट राजीनामा दिइसकेका छन् ।
बिज्ञापन
अख्तियारले यो प्रकरणमा गत असार ९ मा पूर्व मुख्यसचिव अर्याल सहित १२ जना विरुद्ध विशेष अदालतमा मुद्दा दायर गरेको भए पनि राजस्व विभागका तत्कालीन महानिर्देशक रितेशकुमार शाक्य, उपसचिव गणेशविक्रम शाही, उपमहानिर्देशक टंकप्रसाद पाण्डेय र शाखा अधिकृत रवीन्द्रप्रसाद पौडेल, परामर्शदाता शक्ति श्रेष्ठ, लेखा अधिकृत विष्णुप्रसाद गौतम, शाखा अधिकृत हरिबल्लभ घिमिरेलाई सफाई पाइसकेका छन् । यो प्रकरणमा विकल पौडेल र सफल श्रेष्ठमात्र दोषी ठहर भएका थिए । उनीहरुलाई आज सजाय सुनाइएको हो ।
यस अघि नै प्रविधि क्षेत्रका खलनायक मानिएका सुनिल पौडेललाई विशेष अदालतले ८ बर्ष कैद सजाय सुनाइसकेको छ । नेशनल पेमेन्ट गेटवे प्रकरणमा दोषी ठहर भएका उनी डिल्लीबजार कारागारमा छन् । यही बिषयमा अख्तियारले सचिव मधु मरासिनीलाइ समेत डामेका थियो । सफाई पाएपछि उनी अहिले राष्ट्रिय योजना आयोगमा कार्यरत छन् ।
बिज्ञापन
