सरकारले राजदूत सेवा लम्साललाई प्रधानमन्त्री तथा मन्त्रिपरिषद्को कार्यालयमा सारेको छ । यस्तै परराष्ट्र मन्त्रालयका बरिष्ठ सहसचिव अमृतबहादुर राईलाई कायम मुकायमको जिम्मेवारी दिइएको छ । हिजो बसेको मन्त्रिपरिषद्को बैठकले लम्साललाई प्रधानमन्त्री तथा मन्त्रिपरिषद्को कार्यालयमा सरुवा गरेर राईलाई कायममुकायम मुकरर गर्ने निर्णय गरेको हो।
बिज्ञापन
बेल्जियमका लागि प्रस्तावित राजदूत सेवा लम्सालको नाम संसदीय सुनुवाइ समितिले अनुमोदन गरेसँगै परराष्ट्र सचिव पद रिक्त हुन पुगेको थियो । संसदीय सुनुवाई समितिको बैठकले सरकारले बेल्जियमका लागि नेपाली राजदूतमा सिफारिस भएका लम्सालको नाम सर्बसम्मतबाट अनुमोदन गरेसँगै रिक्त रहेको उक्त पदमा अमृतबहादुर राईलाई मुकरर गरिएको हो ।
प्रधानमन्त्री तथा मन्त्रिपरिषद्को कार्यालयका अनुसार,राजदूत सिफारिस भएकी सचिव सेवा लम्साललाई प्रधानमन्त्री कार्यालयमा सरुवा गरिएको छ।
बिज्ञापन
राई यस अघि मन्त्रालयका सहसचिव एवम प्रवक्ता समेतको जिम्मेवारी निर्वाह गरिरहेका थिए । संयुक्त राष्ट्रसंघका लागि नेपाली स्थायी प्रतिनिधिको कार्यकाल सकेर यही वर्ष फर्केका राईले चीन हेर्ने उत्तरपूर्वी डिभिजनको नेतृत्व सम्हाल्दै आएका उनी परराष्ट्रमा सबैभन्दा वरिष्ठ सहसचिव हुन् ।
मन्त्रालयमा सचिव हुने लाइनमा अमृतबहादुर राई, कृष्णप्रसाद ढकाल र निर्मलराज काफ्ले रहेका छन् । यी मध्य राई सबैभन्दा वरिष्ठ सहसचिव हुन् ।सरकारले उनैलाई कामूको जिम्मेवारी दिएको हो । परराष्ट्र मन्त्रालयमा वरिष्ठताका आधारमा सचिवमा नियुक्त हुने परम्परा रहदैँ आएको छ ।
बिज्ञापन
