कर्मचारी कार्यालयमा पुगिसकेका छन् । उता सेवाग्राहीको लाइन छ । हठात क्याविनेटले निर्णय गर्दछ आज सार्वजनिक बिदा ।
बिज्ञापन
यस्तो कच्चा निर्णय गर्दा केपी ओली सरकारको उक्त निर्णयको अहिले चौतर्फी आलोचना भइरहेको छ । आइतबार बिहानको क्याविनेट बैंकठले अकस्मात सार्वजनिक बिदा दिएसँगै सेवाग्राही,कर्मचारीहरुदेखि सर्वसाधरणसम्म सरकारी निर्णयको चौतर्फी आलोचना भइरहेको छ
बिज्ञापन
पूर्वसभामूख दमननाथ ढुंगानाको निधनपछि सरकारले आइतबार शोक बिदा दिएको छ । मन्त्रिपरिषद्को सोमबार बिहान बसेको बैठकले पूर्वसभामुख दमननाथ ढुंगानाको निधनमा सोमबार बिदा दिने निर्णय गरेको हो। मन्त्रिपरिषद्को निर्णय बिहान साढे ९ बजेपछि मात्रै सार्वजनिक भएको थियो। प्रधानमन्त्री केपी शर्मा ओलीले ९ बजेका लागि मन्त्रिपरिषद् बैठक राखेका थिए। प्रधानमन्त्री सचिवालयका अनुसार आकस्मिक रूपमा बैठक डाकिएको थियो।
बिज्ञापन
बिहानको क्याविनेटले यस्तो निर्णय गर्दा पौने दश भइसकेको थियो । सरकारले बिदा दिँदा स्कुल वा कलेजका बिहानी कक्षा सक्किसकेका थिए । दिउँसोको पढ्ने सरकारी विद्यालयमा पनि विद्यार्थीहरू पुगिसकेका थिए । यस्का अलवा अधिकांश विद्यालयमा विद्यार्थी र शिक्षकहरु पुगिसकेका थिए भने सरकारी कार्यालयमा कर्मचारीहरु पुगेर केहीले हाजिर गरिसकेका थिए । केही बाटैमा थिए ।
अधिकांश कर्मचारीहरुले कार्यालयमा पुगिसकेपछि विदाको सूचना थाहा पाए । सरकारले यो निर्णयलाई कतिपय कर्मचारीहरुले बच्चाको भाँडाकुटी खेलसँग तुलना गरेका छन् । उद्योग मन्त्रालयका एक सहसचिवले सरकारी यो निर्णयलाई केटाकेटीको भाँडाकुटी खेलको संज्ञा दिए । सरकारको यो निर्णयले धेरै सेवाग्राहीले सास्ती पाएकोमा उनले चिन्ता पोखे ।
हाल कीर्तिपुर नगरपालिकाको प्रशासकीय कमाण्ड गरिरहेका उपसचिव माधव ढकालले सामाजिक सञ्जालमा लेखे,सार्वजनिक विदा कि भोलि दिनुपर्ने, कि त हिजो निर्णय गर्नुपर्ने । हतारमै गर्दा पनि विहान ७ ८ बजेभित्र गर्नुपर्ने थियो कि । म त कार्यालय पुगिसकें ।
यस्तै सहसचिव वाणिज्य आपूर्ति तथा उपभोक्ता संरक्षण विभागका महानिर्देशक राजन पौडेलले सामाजिक सञ्जालमा लेखे,हामी त सेवा दिन तयारी अवस्थामा छौँ। पूर्वसभामुख दमननाथ ढुंगानाप्रति भावपूर्ण श्रद्धाञ्जली व्यक्त गर्दछु।”
सेवाग्राहीको अत्याधिक भीड हुने यातायात,राहदानी विभाग,मालपोत लगायतका कार्यालयमा सेवाग्राहीको लाइन लागेको स्थिति थियो । यस्तो अबस्थामा ती कार्यालयमध्ये केहीले सेवाग्राहीको मध्यनजर राख्दै सेवा दिइरहेका छन् ।
