औद्योगिक व्यवसाय विकास प्रतिष्ठानको २८औं वार्षिक उत्सव सम्पन्न भएको छ। औद्योगिक व्यवसाय विकास प्रतिष्ठानका कार्यकारी निर्देशक इ. उमेशकुमार गुप्ताले उद्योग, वाणिज्य तथा आपूर्ति मन्त्रालयले तोकेका कार्यक्रम सम्पन्न भएको बताएका हुन् ।
बिज्ञापन
पछिल्लो समय प्रतिष्ठानले स्टार्टअप उद्यम कर्जा सञ्चालन कार्यक्रम कार्यान्वयन गर्दै आएको छ। आर्थिक वर्ष २०८०/८१ मा स्टार्टअप उद्यम कर्जा कार्यक्रमअन्तर्गत १८३ जना सिफारिस भएकामा १६५ ले कर्जा पाइसकेका छन् ।
बिज्ञापन
प्रतिष्ठानले सम्भाव्य उद्यमीहरू र उद्योग व्यवसाय गरिरहेका उद्यमीहरूलाई पनि विभिन्न प्रकारका तालिमहरू प्रदान गर्दै आएको छ। साथै कार्यमूलक अनुसन्धान र उद्योग व्यवसायमा संलग्न संघसंस्थाहरूको जनशक्ति विकास कार्यक्रम समेत गर्दै आएको छ।
प्रतिष्ठानले नेपाल सरकारको महत्वपूर्ण स्टार्टअप उद्यम कर्जा सञ्चालन कार्यक्रमलाई पनि कार्यान्वयन गर्दै आएको छ। चालु आ.व. मा स्टार्टअप उद्यम कर्जा कार्यक्रमका लागि सरकारले १ अर्ब रुपैयाँविनियोजना गरेको छ। प्रतिष्ठानमा यस कार्यक्रमका लागि ५ हजार १ सय ५८ वटा परियोजना प्रस्ताव प्राप्त भएका छन् । त्यस्तै, प्रतिष्ठानमा उद्यम संवर्धन केन्द्र स्थापना भएको छ। यस केन्द्रले नयाँ सोच भएका व्यक्तिहरूलाई उद्यमी बन्नका लागि विभिन्न किसिमका मेन्टरिङ कार्यक्रम प्रतिष्ठानले गर्दै आएको जनाएको छ ।
बिज्ञापन
कार्यक्रममा उद्योग वाणिज्य तथा आपूर्ति मन्त्रालयमा सचिव तथा प्रतिष्ठान सञ्चालक समितिका अध्यक्ष कृष्ण बहादुर राउतले प्रतिष्ठानले हालसम्म सम्पन्न गरेका कार्यक्रमहरूको प्रशसा गर्दै आगामी दिनहरूमा सरकारले दिएको जिम्मेवारी अझ प्रभावकारी रुपमा कार्यान्वयन गर्न सुझाव दिए।
प्रतिष्ठानका कार्यकारी निर्देशक इ. उमेशकुमार गुप्ताले उद्योग, वाणिज्य तथा आपूर्ति मन्त्रालयले तोकेका कार्यक्रम सम्पन्न गर्न प्रतिष्ठान तत्पर रहेको धारणा व्यक्त गरे।
