न्यायालय प्रमुखमा प्रकाशमानसिंह राउतको आगमनसँगै न्यायपरिषद्ले सर्वोच्च अदालतभन्दा अगावै उच्चमा न्यायाधीश नियुक्तिका लागि अन्तिम तयारी गरेको छ । हाल सर्वाेच्च अदालतमा १५ न्यायाधीश बहालरत छन । संविधानमा प्रधान न्यायाधीश बाहेक सर्वोच्च अदालतमा २० जना स्थायी न्यायाधीश हुने भनिएको छ । ६ न्यायधीश पद रिक्त छ । अहिले अदालतमा २६ हजारभन्दा धेरै मुद्दा छन् । त्यहाँ दरबन्दी अनुसार न्यायाधीश नहुँदा न्याय सम्पादनमा ढिलासुस्ती हुँदै आएको छ ।
बिज्ञापन
यसअघि सिफारिस भएकाहरूको सुनुवाइमा ढिलाइ हुने र समयमै नयाँ न्यायाधीश सिफारिस नहुँदा न्यायाधीशको संख्या १५ मा सीमित भएको हो । न्याय परिषदले असोज ११ गते उच्च अदालतका दुई मुख्य न्यायाधीश नृपध्वज निरौला र नित्यानन्द पाण्डेको नाम सर्वोच्चको स्थायी न्यायाधीशमा सिफारिस गरेको थियो । न्यायपरिषद बैठकले उच्च अदालत पाटनका मुख्य न्यायाधीश निरौला र तुलसीपुरका मुख्य न्यायाधीश पाण्डेलाई सर्वोच्च अदालतको न्यायाधीशका लागि सिफारिस गरेको हो । एक महिनाभन्दा पनि लामो समय भइसक्दा पनि उनीहरूको सुनुवाइ हुन सकेको छैन ।
बिज्ञापन
सिफारिस भएका दुई जनाको सुनुवाइ बाँकी रहेको र थप चार जनाको पनि नाम सिफारिस गर्नुपर्ने छ । सर्वोच्च अदालतको स्थायी न्यायाधीशका लागि सिफारिस भएका दुई न्यायाधीशको सुनुवाइ आगामी शुक्रबार (कात्तिक २३) गते हुदैंछ ।
संसदीय सुनुवाइ समितिबाट शुक्रबार उनीहरूको नाम अनुमोदन भएमा उनीहरू आइतबार नियुक्त हुँदै शपथ लिने छन् । उनीहरूले शपथ लिएपछि सर्वोच्चमा अझै ४ न्यायाधीश पद रिक्त रहनेछ ।
उच्चमा १६ जनाको नियुक्ति भ्याएर मात्र सर्वोच्चमा चार जनाको गृहकार्य थाल्ने तयारी छ । यसपल्ट न्याय सेवाका राजपत्रांकित प्रथम श्रेणीका कर्मचारीबाट बढीमा तीन जनालाई अवसर दिने तयारी छ । सहरजिष्ट्रारमध्येबाट मानबहादुर कार्की, खडक अधिकारी, जितेन्द्रबाबु थपलिया, अच्युत कुइँकेल, गजेन्द्रबहादुर सिंह, ठगीन्द्र कट्टेल र बाबुराम दाहालको नाम लिष्टिङ गरिएको छ । यस्तै, सरकारी वकिल र कानुन अधिकृतमध्येबाट दुई जनालाई अवसर दिइने भएको छ । सहन्यायाधिवक्ताहरू सूर्यराज दाहाल, उद्धवप्रसाद पुडासैनी र शंकर खत्रीको नाम टिपाए पनि एक जनालाई मात्र न्यायाधीशमा ल्याइनेछ ।
बिज्ञापन
कानुनका सहसचिवमध्येबाट विभिन्न नाममा विकल्प हेरिएको छ । बार एशोसिएसनको कोटामा कानुन व्यवसायीबाट तीन जनालाई उच्चको न्यायाधीश बनाउने तयारी छ । यसरी कर्मचारीबाट तीन जना, कानुन व्यवसायीबाट तीन जना, जिल्ला न्यायाधीशमध्येबाट दश जनालाई तान्ने तयारी गरिएको छ ।
जिल्लाबाट महेन्द्रबहादुर कार्की, गोपालप्रसाद बाँस्तोला, गिरिराज गौतम, युवराज गौतम, तेजनारायण पौडेल, प्रकाश ढुंगाना, भुवनसिंह थापा, लीलाराज अधिकारी, दीपककुमार खरेल, शिवबहादुर रानाभाट, कमलप्रसाद पोखरेल, दलबहादुर केसी, वासुदेव न्यौपाने र प्रकाशचन्द्र अधिकारीको नाम लिष्टिङ गरिएको छ । यीमध्ये दश जनाको टुंगो लगाइनेछ ।
