अमेरिकी पूर्वराष्ट्रपति डोनाल्ड ट्रम्प दोस्रोपटक राष्ट्रपतिमा विजयी हुने लगभग पक्का भएको छ । डेमोक्रेटिक उम्मेदवार कमला ह्यारिसलाई पछि पार्दै ट्रम्प दोस्रोपटक राष्ट्रपति बन्न लागेका हुन । निर्वाचनमा होमिएकामध्ये ह्यारिस डेमोक्रेटिक पार्टीका तर्फबाट वर्तमान उपराष्ट्रपति हुन भने रिपब्लिकन पार्टीबाट पूर्वराष्ट्रपति डोनाल्ड ट्रम्प मैदानमा उत्रिएका थिए ।
बिज्ञापन
सात स्वीङ स्टेटमध्ये फ्लोरिडा, नर्थ क्यारोलिना र पेन्सलभेनियामा जितेका ट्रम्प अन्य राज्यको मतगणनामा पनि ठूलो अन्तरले अगाडि छन् ।
बिज्ञापन
ट्रम्पसँग हाल २६६ इलेक्टोरल भोटहरू छन् र ह्यारिससँग १८८ मात्रै । अब ट्रम्पले राष्ट्रपति पद जित्न थप चार इलेक्टोरल भोट मात्र जित्नुपर्छ। यस अघि उनी सन २०१६ मा पहिलोपटक राष्ट्रपति चुनिएका थिए । सन् २०२० को निर्वाचनमा पनि उनले प्रतिस्पर्धा गरेका थिए । तर उनी डेमोक्रेटिक उम्मेदवार जो बाइडनसँग पराजित भएका थिए ।
त्यहाँ कूल २३ करोड १० लाख मतदानका लागि योग्य भए पनि १६ करोड ८० लाखले मात्र मतदानका लागि दर्ता भएका छन् । इलेक्ट्रोल कलेजको ५३८ मध्ये २७० भोट ल्याउनेले निर्वाचनमा विजय हासिल गर्न सक्नेछन् ।
बिज्ञापन
अमेरिकाको ४७औं राष्ट्रपतिमा ट्रम्प निर्वाचित हुने पक्कापक्की भइसकेको छ । राष्ट्रपतिमा निर्वाचित हुन कुल ५३८ इलेक्टोरल मतमध्ये कम्तीमा २७० ल्याउनुपर्नेछ ।ट्रम्पसँग हाल २६६ इलेक्टोरल भोट ल्याइसकेका छन् । उनलाई राष्ट्रपतिमा निर्वाचित हुनका लागि थप ४ भोटको आवश्यक पर्नेछ । अमेरिकाका ५० राज्यका लागि जनसंख्याका आधारमा ५३५ र संघीय राजधानी ‘डिस्ट्रिक्ट अफ कोलम्बिया’ का लागि ३ इलेक्टोरल मत निर्धारण गरिएको छ ।
यता रिपब्लिकन पार्टीका राष्ट्रपति पदका उम्मेदवार तथा भूतपूर्व राष्ट्रपति डोनल्ड ट्रम्पले आफ्ना समर्थकहरुलाई सम्बोधन गरेका छन् । उनले फ्लोरिडामा गरेको सम्बोधनमा श्रीमती मेलानिया ट्रम्पलाई प्रथम महिला फर्स्ट लेडीको उपाधि दिएका छन् ।
