अर्घाखाँची जिल्लाको भूमिकास्थान नगरपालिका स्थित जयठाटीमा बस दुर्घटना हुँदा २ जनाको मृत्यु भएको छ।
बिज्ञापन
वडा नं ५ र ६ को सिमाना पर्ने जयठाटीमा आज साँझ करिब ५ बजे को समयमा देउसी भैलो सडकमा नाँचिरहेको स्थानमा ना ३ ख २४७१ नं को बसको ‘ब्रेक फेल’ हुँदा दुर्घटना भएको प्रहरीले जनाएको छ।
बिज्ञापन
बसले भैलो खेलिरहेकाहरूलाई ठक्कर दिंदा भुमिकास्थान नगरपालिका वडा नम्बर २ ढाकाबांग निवासी ७२ बर्षिया रुनी खनालको घटनास्थलमै मृत्यु भएको र गम्भीर घाईते रहेकी २२ बर्षीया तारा श्रेष्ठ को उपचारको क्रममा अर्घाखाँची अस्पताल मा मृत्यु भएको जिल्ला प्रहरी कार्यालयका प्रमुख प्रहरी नायब उपरीक्षक चक्रबहादुर मल्लले जानकारी दिए।
प्रहरी र स्थानीयले घाइतेहरूको उद्धार गरेका थिए । घाइतेलाई अर्घाखाँची अस्पतालमा उपचारका लागि पठाइएको र घटनाको अनुसन्धान भइरहेको मल्लले जानकारी दिएका छन्।
बिज्ञापन
हाल सम्म दुर्घटना मा ३३ जना घाईते रहेका छन् भने १० जना लाई बुटवल रिफर गरिएको छ। २ जनाको मृत्यु भईसकेको खबर प्राप्त भएको छ।दुर्घटनामा मृत्यु हुने तारा श्रेष्ठ भूमिकास्थान नगरपालिका की कर्मचारी रहेको बुझिएको छ।
