संघीय मामिला तथा सामान्य प्रशासन मन्त्रालयले १५ उपसचिवहरूको सरुवा भएको छ । मन्त्रालयले विहिबार विभिन्न स्थानीय तहमा कार्यरत प्रमुख प्रशासकीय अधिकृतसहित मन्त्रालय तथा जिल्ला समन्वय समितिमा कार्यरत उपसचिवहरूको सरुवा गरेको हो ।
बिज्ञापन
हरिपुर नगरपालिकाका ओमप्रकाश महत्वलाई संघीय मामिला तथा सामान्य प्रशासन मन्त्रालय, खाँदवारी नगरपालिकाका रामदत्त भट्टलाई बेदकोट नगरपालिका, बैकुण्ठ प्रसाद सापकोटालाई चौतारा साँगाचोकगढी नगरपालिका, त्यहाँका पोषण लामिछानेलाई बनेपा नगरपालिका, राप्ती नगरपालिकाका सत्यनारायण साहलाई जिल्ला समन्वय समितिको कार्यालय धनुषा, धरान उपमहानगरपालिकाका उपेन्द्र राईलाई भूमि व्यवस्था सहकारी तथा गरिबी निवारण मन्त्रालय, सामान्यमा रहेका मुक्ति प्रसाद खनाललाई खनाललाई जिल्ला समन्वय समिति कार्यालय सिन्धुपाल्चोक, जिल्ला समन्वय समितिको कार्यालय खोटाङमा रहेका ठाकुरप्रसाद तिवारीलाई सामान्य प्रशासन मन्त्रालयमा सरुवा गरिएको छ ।
बिज्ञापन
त्यस्तै गोरखा नगरपालिकाका कृष्णप्रसाद सुवेदीलाई सामान्य प्रशासन मन्त्रालय, स्वास्थ्य मन्त्रालयमा कार्यरत एकदव खनाललाई भने गोरखा नगरपालिकामा पठाइएको छ। कालिका नगरपालिकाका चुनामणी गौतमलाई गृह मन्त्रालयमा पठाइएको छ भने गल्कोट नगरपालिकाका गङ्गाधार पौडेललाई सामान्य प्रशासन मन्त्रालयमा ल्याइएको छ। हलेसी तुवाङचुङ नगरपालिकाका कैलाशबहादुर ठकुरीलाई गृहमन्त्रालयमा ल्याइएको छ । जिल्ला समन्वय समितिको कार्यालय बर्दियाका कृष्ण थापालाई गृहमन्त्रालय पठाइएको छ चापाकोट नगरपालिकाका चेतराज बराललाई पनि गृहमन्त्रालय पठाइएको छ।
बिज्ञापन
