सरकारले ४० जना सहसचिवको सरुवा गर्दा उद्योग र भूमि विभागमा महानिर्देशक हेरफेर भएको छ । शुक्रबार बसेको मन्त्रिपरिषद् बैठकले गरेको ४० जना सहसचिवको सरुवा सूचीअनुसार उद्योग, वाणिज्य तथा आपूर्ति मन्त्रालयअन्तर्गत रहेको उद्योग विभागका महानिर्देशक यज्ञराज कोइरालाको राष्ट्रिय योजना आयोगमा सरुवा भएको छ । भूमि व्यवस्था सहकारी तथा गरिबी निवारण मन्त्रालयअन्तर्गत रहेको भूमि, व्यवस्थापन तथा अभिलेख विभागका महानिर्देशक कृष्णप्रसाद सापकोटाको पनि राष्ट्रिय योजना आयोगमै सरुवा भएको छ । त्यस्तै अध्यागमन विभागका महानिर्देशक कोषहरि निरौला सञ्चार तथा सूचना प्रविधि मन्त्रालयमा सरुवा भएका छन्।
बिज्ञापन
सरकारले हाल संघीय मामिला तथा सामान्य प्रशासन मन्त्रालयमा रहेका विष्णुप्रसाद ज्ञवालीलाई अर्थ मन्त्रालयमा सरुवा गरेको छ । ससहचिवहरु तोयानारायण सुवेदी, दीर्घबहादुर पोखरेल, विनोदबहादुर खड्कालाई गृह मन्त्रालयमा ल्याइएको छ। योजना आयोगका सहसचिव राजेश्वर ज्ञवालीलाई उद्योग वााण्ज्यि तथा आपूर्ति मन्त्रालयमा पठाइएको छ । जितेन्द्र बस्नेत गृह मन्त्रालयबाट उद्योग मन्त्रालयमै पुगेका छन्। उद्योग मन्त्रालयका जीवलाल भुसाललाई श्रम रोजगार तथा समाजिक सुरक्षा मन्त्रालयमा सरुवा गरिएको छ । सञ्चार मन्त्रालयमा बाबुराम भण्डारीलाई लुम्बिनीको मन्त्रिपरिषद कार्यालयमा पठाइएको छ ।
बिज्ञापन
रुद्रसिंह तामाङलाई अतिरिक्त समूहबाट संघीय मामिला तथा सामान्य प्रशासन मनत्रालयमा जिम्मेवारी दिइएको छ । यस्तै प्राविधिकतर्फ कृषि तथा पशुपन्छी विकास मन्त्रालयअन्तर्गत रहेको पशु सेवा विभागका उपमहानिर्देशक विनयकुमार कर्णको मुख्यमन्त्री तथा मन्त्रिपरिषद्को कार्यालय मधेश प्रदेशमा सरुवा भएको छ । वीरगञ्ज महानगरपालिकामा प्रमुख प्रशासकीय अधिकृत पद रिक्त राखेर कार्यरत प्रमुख प्रशासकीय अधिकृत मातृका भट्टराईको संघीय मामिला तथा सामान्य प्रशासन मन्त्रालयमा सरुवा गरिएको छ ।
यता राष्ट्रिय समावेशी आयोगका सचिव (सहसचिव) ईश्वरकुमार गिरीको उद्योग, वाणिज्य तथा आपूर्ति मन्त्रालयमा सरुवा भएको छ । श्रम, रोजगार तथा यातायात मन्त्रालय बामगती प्रदेशका सचिव (सहसचिव) बलराम निरौलालाई आयोगमा सचिवको जिम्मेवारी दिइएको छ ।
बिज्ञापन
https://drive.google.com/file/d/1Sdx5zvG-pUV-8iwHfbclOm_4i1sFedn1/view
