नेपाल सरकारका अधिकृत देवी बहादुर थापाले अनाधिकृत रुपमा रियल स्टेट कम्पनीमा लगानी गरेको प्रमाण भेटिएको छ । हाल राजश्व अनुसन्धान कार्यालय पथलैयाबाट सरुवा भएर करदाता सेवा कार्यालय चन्द्रपुर रौतहटमा सरुवा भएका थापाले रियल स्टेट कम्पनी खोलेर उक्त कम्पनीको संस्थापक शेयर लिएर काम गरिरहेको भेटिएको हो ।
बिज्ञापन
कर्मचारी संकेत नम्बर १७२३४८ रहेका थापाको नागरिक नम्बर ४६४७२६१७ रहेको छ । कम्पनी रजिष्ट्रार कार्यालयको अभिलेख अनुसार,थापाको नाममा २ करोडको संस्थापक शेयर रहेको अभिलेख कर्मचारी प्रेसले प्राप्त गरेको छ । लामो समयदेखि राजश्व अनुसन्धान कार्यालय पथलैयामा कार्यरत रहेका उनी नासु पदमा छँदैमा अकुत आर्जनमा डामिएका कर्मचारी हुन । आर्थिक बर्ष ७५/ ७६ मैं अकुत आर्जनमा डामिएर केही समय निलम्बनमा परेका उनै थापाले निलम्बन फुकुवा भएर अधिकृतमा बढुवा भएसँगै निजामती ऐनलाई चुनौति दिँदै रियल स्टेट कम्पनीमा लगानी गरिरहेको प्रमाण भेटिएको हो ।
बिज्ञापन
भन्सार जाँचपास परिक्षण कार्यालय, तिनकुने काठमाण्डौमा कार्यरत रहँदा उनीमाथि अकुत सम्पत्ति आर्जनको मुद्धा चलेको थियो । त्यस समय उनी नासु पदमा कार्यरत थिए । ०५६ साउन ५ गते विचारी पदबाट सरकारी सेवामा प्रवेश गरेका उनले आर्थिक बर्ष ०७५/ ०७६ सम्मको अवधिमा १ करोड ८७ लाख ४७ हजार १ सय ५० रुपैंया बराबरको अकुत सम्पत्ति आर्जन गरेको भन्दै अख्तियारले उनलाई प्रतिवादी बनाएर मुद्धा चलाएको थियो । सो मुद्धा चलेसँगै निलम्बनमा परेका थिए । डेढ बर्ष पछि विशेष अदालतले सफाइ दिएको थियो ।
बिज्ञापन
उनै थापा त्यसपछि राजश्व अनुसन्धान कार्यालय पथलैयामा पुगे,बढुवा पछि अधिकृतको रुपमा कार्यरत छन् । उनी त्यहीँका स्थानीय हुन । हालैमात्र प्रधानमन्त्री तथा मन्त्रिपरिषद् मातहतको राजश्व कार्यालय पथलैयाबाट सरुवा भएर अर्थ मन्त्रालय मातहतको कर दाता सेवा कार्यालय चन्द्रपुर रौतहटमा पुगेका छन् । उनी यो सरुवा उल्टाउन लागिपरेका छन् ।
उनले कृष्णचन्द्र रियलस्टेट एण्ड मल्टिप्रपोज कम्पनी खोलेर यताबाट निजामती ऐनलाई ठाडै चुनौति दिइरहेको छन् । यो कम्पनीको चुक्ता पूँजी चार करोडको रहेको छ । जसमा कृष्णबहादुर थापाको नाममा २ करोड र उनको नाममा २ करोडको शेयर रहेको कम्पनी रजिष्ट्रारबाट प्राप्त शेयर अभिलेख हेर्दा भेटिन्छ ।
निजामती ऐन अनुसार कुनै पनि कर्मचारीले कम्पनी खोल्न,व्यापार व्यवसाय गर्न प्रतिवन्ध लगाएको छ । निजामती ऐन २०४९ को दफा ४८ ले निजामती कर्मचारीहरुलाई व्यापार व्यवसाय गर्ने,कम्पनी स्थापना गर्ने पाइदैन । ऐनको दफा ४८ को क मा कुनै पनि कर्मचारीले कुनै बैंक वा कम्पनीको स्थापना,रजिष्ट्रेसन वा सञ्चालनमा भाग लिन,प्रचलित कानुन बमोजिम दर्ता गराउनु पर्ने व्यापार व्यवसायमा भाग लिन,अन्यन्त्र नोकरी गर्ने प्रतिवन्ध लगाएको छ ।
तर ऐनको धज्जी उडाउँदै उनले रियल स्टेट कम्पनी खोलेर रियल स्टेट व्यवसायमा लागेको भेटिएको छ । उक्त रियलस्टेटको कार्यालय बर्दिवास नगरपालिका,वडा नम्बर १ मा रहेको भेटिएको छ । गत बर्ष साउनमा यो रियल स्टेट कम्पनी दर्ता भएको र त्यहाँ उनी संस्थापक शेयर सदस्यको भूमिकामा रहेको भेटिएको छ ।
थापाको प्रधानमन्त्री तथा मन्त्रिपरिषद्को कार्यालयमा कार्यरत रहेका सचिव कृष्णहरि पुष्करसँग अत्यन्त घनिष्ठ सम्बन्ध रहेको बताइएको छ । उनै पुष्करसँगको सम्बन्धका कारण उनी लामो समय पथलैया लगायतका आकर्षक कार्यालयमा टिक्न सफल भएको र अहिले पनि सोही कार्यालयमा फर्कन भरमग्दूर प्रयास गरिरहेको स्रोतको दावा छ ।
अख्तियार दुरुपयोग अनुसन्धान आयोगका पदाधिकारीहरुले निजामती ऐन विपरित कम्पनी चलाएको भेटिए उनीमाथि अनुसन्धान र कारवाही हुने प्रतिक्रिया दिएका छन् ।
यो बिषयमा हामीले अधिकृत थापाले बोक्ने ९८५५….१४,९८५१…९ यी नम्बरमा पटक पटक सम्पर्क प्रयास गर्दा उनी सम्पर्कमा आउन चाहेनन् ।
