बिज्ञापन
भूमि व्यवस्था विभागले ठूलो संख्यामा कर्मचारीको सरुवा गरेको छ । विभागले १५ कार्तिकको मितिमा एकै पटक ३५१ कर्मचारीको सरुवा गरिएको छ । सूची अनुसार २२३ नासु,८३ खरिदार र ४५ जना शाखा अधिकृतहरुको सरुवामा परेका छन् ।
सरुवाको सूची अनुसार उपत्याकाका कार्यालयबाट कर्मचारीलाई उपत्याकाकै कार्यालयमा घुमाइएको छ । शक्ति नपुग्ने र पैसा पेल्न नसकेका कर्मचारीहरुलाई अन्यन्त्र सरुवा गरिएको छ । कतिपय कर्मचारीहरु बर्ष दिन नपुग्दै सरुवामा परेका छन् । भूमि व्यवस्था तथा अभिलेख विभागका महानिर्देशक कृष्ण प्रसाद सापकोटाले गरेको यो सरुवाप्रति भूमि व्यवस्था मन्त्री समेत असन्तृष्टी पोखेका छन् । सापकोटाले न्यूनतम मानवीय संवेदना समेत नहेरी केही कर्मचारीको सरुवा गरेको समेत भेटिएको छ । एकातिर सरुवा मागेका कर्मचारीलाई अन्यन्त्रै पठाइएको छ भने अधिकांश कर्मचारीलाई सुगमबाट सुगम अर्थात काठमाडौं,ललितपुर,भक्तपुरका कार्यालयमा सरुवा गरिएको भेटिएको छ ।
बिज्ञापन
यस अघि भूमि व्यवस्था विभागले तत्कालीन सचिव गोकर्णमणि दुवाडी सरुवा भएर तथ्यांक कार्यालयमा हिड्नु र अर्जुन पोखरेल तथ्यांकबाट भूमिमा सरुवा भएर आउने समयको बीचमा ७० भन्दा बढी कर्मचारीको सरुवा गर्दा राम्रै आर्थिक शूभ लाभ लिएको चर्चा ववरमहलस्थित भूमि व्यवस्था विभागकै कर्मचारीहरुले गर्दै आएका छन् । कर्मचारीको सरुवा टुंग्याएर विभागका हाकिमदेखि कप्र फाँट हेर्ने कर्मचारीहरु मोवाइल् अफ गरेर बसेका छन् ।
बिज्ञापन
