घुससहित पक्राउ परेका धनुषाको जनकपुरधाम उपमहानगरपालिका वडा नम्बर २४ का वडाध्यक्ष उपेन्द्र सहनीसहित तीन जनाविरुद्ध भ्रष्टाचार मुद्दा दायर भएको छ ।
बिज्ञापन
अख्तियार दुरुपयोग अनुसन्धान आयोगले उनीसहित वडासचिव उपेन्द्र साहु तेली र विजय मण्डलविरुद्ध विशेष अदालत काठमाडौंमा मुद्दा दर्ता गरेको छ ।
बाटो प्रमाणित गरिदिनका लागि सेवाग्रहीसँग ४ लाख ५० हजार घुस लिएको आरोपमा उनीहरूविरूद्ध मुद्दा दायर भएको अख्तियारका प्रवक्ता देवीप्रसाद थपलियाले जानकारी दिए।
बिज्ञापन
अख्तियारको बर्दिवासस्थित कार्यालयबाट गएको टोलीले सेवाग्रहीसँग घुस लिइसकेको अवस्थामा वडाध्यक्ष सहनीसहित तीनै जनालाई नियन्त्रणमा लिएको थियो।
घरबाटो सिफारिस प्रमाणित गरी दिन सेवाग्रहीसँग उनीहरूले घुस रकम लिएको अनुसन्धानबाट पुष्टि भएपछि मुद्दा दायर भएको अख्तियारका प्रवक्ता थपलियाले बताए।
वडाध्यक्ष सहनी र वडा सचिव तेली ४ लाख ५० हजार बिगो कायम गरी जरीवाना तथा कैद सजायको मागदाबी अख्तियारले लिएको छ।
बिज्ञापन
