हालैमात्र उद्योगमन्त्री दामोदर भण्डारीले वाणिज्य सचिव मधुसुदन बुर्लाकोटीलाई महिना दिनमै त्यहाँबाट सरुवा गरेर तथ्यांक कार्यालयमा पुर्याए । र,सचिवमा उक्लिएर साता दिन मात्र बाग्मती प्रदेशको प्रमुख सचिवको जिम्मेवारीमा रहेका गोविन्दबहादुर कार्कीलाई मन्त्रालयमा ताने । महिना दिनमै बुर्लाकोटीको सरुवाको पछि चिनी उद्योगी,मरिच केराउवाला व्यवसायीको ठूलो हात रहेको चर्चा र टिप्पणी हुँदै आएको थियो । नभन्दै उनी सरुवा भए लगतै उद्योग मन्त्रालयले सुपारी,मरिच लगायतको आयात खुला गरेको छ । चार बर्षदेखि प्रतिवन्ध लाग्दै आएको सुपारी,मरिच आयात अहिले खुला गरिएको हो ।
बिज्ञापन
दशैंको मुखमा सीमित व्यापारीलाई मालामाल हुने गरी आयात खुलाइएसँगै मन्त्री भण्डारी र सचिव कार्की विवादमा तानिएका हुन । दशैंको मुखमा सीमित व्यापारीहरुलाई पोस्ने गरी गरी सुपारी, केराउ र मरिचको आयात खोल्न दिने निर्णय गरेको हो । यो निर्णय राजपत्रमा समेत प्रकाशित भइसकेको छ । सूचना राजपत्रमा प्रकाशन गरेसँगै कार्यान्वयनमा गएको छ ।गत असोज ९ गते राजपत्रमा सूचना प्रकाशन गरेर सुपारी आयात खुला गरिएको हो । राजपत्रमा प्रकाशित सूचनामा औद्योगिक प्रयोजनका लागि सुपारी, केराउ र मरिच आयात खुला गरेको जनाइएको छ । उत्पादनमूलक उद्योगलाई औद्योगिक प्रयोजनका लागि आवश्यक कच्चापदार्थ सुपारी, केराउ र मरिच पैठारी व्यवस्थित गर्ने सम्बन्धी कार्यविधि २०७८ का प्रक्रिया पूरा गरी आयात गर्न पाउने गरी आयात खुला गरेको प्रकाशित सूचनामा जनाइएको छ । निकासी पैठारी (नियन्त्रण) ऐन २०१३ अनुसार यस्ता वस्तु पैठारीमा बन्देज लगाएको छ । यस्तो बन्देज चैत २०७६ मा लगाइएको थियो ।
बिज्ञापन
तर फेरि पछि सरकारले सुपारी तस्करहरुको दबाबमा परिमाणात्मक रुपमा खुला गर्ने निर्णय गरेको थियो । त्यसमा ट्रेडिङ र उद्योग दुबैलाई कोटा वितरण गरेको थियो । सरकारले केही सीमित व्यापारीहरुलाई लाभ हुने गरी सुपारी आयतलाई खुला गरेपछि यसको तस्करी बढ्दै आएको छ । सुपारी,केराउ,मरिच लगायतका आयात खुलाउन केही सांसद, गुट्खा उद्योगमा मालिकहरु लागि परेका थिए । उनीहरुकै स्वार्थ अनुसार दशैंको मुखमा सरकारको नीतिगत चलखेल गर्दै सुपारी, केराउ र मरिचको आयात खुलाएको हो ।
यसले औद्योगिक प्रयोजनका नाममा पुनः तस्करी बढ्ने सम्भावना समेत रहने छ । इन्डोनेसिया, मलेसिया, क्यानडा लगायत तेस्रो मुलुकबाट नेपालमा सुपारी तथा केराउ लगायत वस्तु आयात हुन्छन् । उद्योगहरुको लागि भनेर यी सामानको आयात खुलाइएको छ । तर, यस्ता सामान भारतमा तस्करी हुन्छ । यसमा ठूलो नीतिगत चलखेल रहेको स्रोत बताउँछ ।
बिज्ञापन
