एमाले अध्यक्ष केपी ओलीको नेतृत्वमा सरकार बनेपछि बिभिन्न मन्त्रालय र त्यहाँका कर्मचारीलाई प्रधानमन्त्री कार्यालयको नाम लिएर हैरान पार्ने एक व्यक्तिका कारण निकै समस्या देखा परेको छ । पार्टी सचिव,प्रधानमन्त्री केपी शर्मा ओलीका सल्लाहकारदेखि अर्थ मन्त्रीको सचिवलायको समेत नाम लिएर कर्मचारीहरुबाट असुली धन्दा चलाउँदै आएको गुनासो कर्मचारी वृत्तमा व्याप्त छ ।
बिज्ञापन
उनले पार्टीका नेता,प्रधानमन्त्रीका सचिवालयका सदस्यहरुका नाम बेचेर अर्थ र अर्थ मातहतका कर्मचारीहरुलाई हैरानी खेलाउने गरेको गुनासो कर्मचारीहरुले गरेका छन् । यसरी नेता र नेताका सचिवलायका सदस्यहरुको नाममा मोलमोलाई गर्ने विचौलिया सिन्धुपाल्चोक स्थायी ठेगना भएका एमालेका प्रदेश कमिटिका नेता हुन ।
बिज्ञापन
उनले अर्थमन्त्रीको सचिवालयको पनि नाम लिदै अर्थ अन्तर्गतका कर्मचारीबाट उठ्तीपुठ्ती गरिरहेका छन् । भर्खरै मात्र पनि आफ्नो छोरालाई अमेरिका पठाउनु छ तपाईको बारेमा राम्रो कुरा भनिदिन्छु भन्दै भन्सारका बिभिन्न कर्मचारीबाट १५ लाख रुपैयाँ उठ्ती गरेको उनी निकट एमाले कार्यकर्ताहरु बताउँछन् । कतिपय अवस्थामा प्रधानमन्त्रीको सचिवालयकै नाम बेचेर पनि रकमको मोलमोलाई गरेको भन्सारका एक कर्मचारीले बताए ।
प्राय सिंहदरवारमा भेटिने उनले कर्मचरीहरुलाई आतकित पारेको बिषयमा कर्मचारी प्रेस डटकमले प्रधानमन्त्रीको सचिवालयमा पनि यस बारे सोधखोज गरेका थियौं । तर, यिनको वारेमा व्यापक गुनासो आएपछि अहिले प्रधानमन्त्रीको सचिवालयमा प्रवेश निषेध गरिएको जानकारी आएको छ ।
बिज्ञापन
