नेपाल प्रहरीले ठूलो संख्यामा जनशक्ति माग गरेको छ । प्रहरी मुख्यालयले एक सूचना जारी गरी प्रहरी निरीक्षक र प्रहरी सहायक निरीक्षक पदमा विज्ञापन खुलाएको हो ।
बिज्ञापन
विज्ञापन अनुसार प्रहरी निरीक्षकका लागि ६४ र प्रहरी सहायक निरीक्षक २५६ जना माग गरेको हो । नेपाल प्रहरी अन्तर्गतको भर्ना छनौट शाखाले जनपद प्रहरी समूहतर्फ रिक्त रहेका पदहरूमा खुला प्रतियोगिताद्वारा समावेशी प्रावधान बमोजिम पदपूर्ति गर्ने उदेश्यसहित विज्ञापन खुलाएको हो ।
बिज्ञापन
आज एक सूचना जारी गर्दै शाखाले प्रहरी निरीक्षकमा ६४ जना र प्रहरी सहायक निरीक्षक पदमा २५६ जना नियुक्ति गर्नुपर्ने भएकोले दरखास्त आह्वान गरेको जनाएको छ ।
बिज्ञापन
खुला प्रतियोगिताद्वारा समावेशी प्रावधान बमोजिम पदपूर्ति गरिने दुई पदका लागि भदौ ३० गतेदेखि असोज ३० गतेभित्र आवेदन दिन सकिनेछ । इच्छुक र योग्यता पुगेका उम्मेदवारहरुले अनलाइनमार्फत फारम भरेर तोकिएको स्थानमा बुझाउन सक्ने शुक्रबार जारी सूचनामा उल्लेख छ ।
