प्रधानमन्त्री केपी शर्मा ओलीले गत आइतबार सबै मन्त्रालयका सचिवहरुसँग सात घण्टा बिताए । र सोमबारको क्याविनेटले २१ मन्त्रालय,आयोग,विभाग तथा कार्यालयका सचिवहरु हेरफेर गर्ने निर्णय गर्यो । र आजै बसेको सचिवहरुसँगको बैठकमा प्रधानमन्त्री केपी शर्मा ओलीले स्थिरताका लागि बनेको सरकारलाई असफल हुन नदिने हुँदा ढुक्कले काम गर्ने भने । उनले सरुवाको बिषयमा प्रष्टाए,यो सरकार परिर्वतनपछिको सामान्य ‘सेट अप’ मात्रै हो ।
बिज्ञापन
बिज्ञापन
मंगलबार सिंहदरबारस्थित प्रधानमन्त्री तथा मन्त्रिपरिषद्को कार्यालयमा सचिवहरूलाई निर्देशन दिँदै प्रधानमन्त्री ओलीले अहिलेको सरकारलाई असफल हुने छुट नभएको र कुनै पनि हालतमा असफल हुन नदिने उल्लेख गर्दै ओलीले असफल हुँदैन भनेर हातमा हात बाँधेर आरामले बस्न नहुने बताए ।
प्रधानमन्त्री ओलीले मन्त्री र सचिवहरुलाई सँगै राखेर भने,असफल भइँदैन भनेर आरामले बसेर हामी सफल हुँदैनौँ । भाग्यमा छ भन्दैमा डोकामा दूध दोएर अडिँदैन । हामीले सफलताको संकेत यस आर्थिक वर्षमा दिनुपर्छ । अर्को आर्थिक वर्षमा त्यो सफलता बढाउँदै लानुपर्छ । यो सरकार एक्सन ओरिएन्टेड सरकार हो ।
बिज्ञापन
यस्तै प्रधानमन्त्री ओलीले सचिवहरुलाई कोही पनि कर्मचारी कुनै निर्णयमा हस्ताक्षर गरेकै कारणले नफस्ने बताएका छन् । उनले सचिवहरुलाई ढुक्कले काम गर्न आग्रह गरे ।
उनले भने,‘कर्मचारीले राम्रो नियतले काम गर्दा परेका अप्ठेरामा सरकारले संरक्षण गर्छ’, उनले भने, ‘कसैले गलत नियतले काम गर्छ भने त्यसमा उत्तरदायी आफैं हुनुपर्छ । राम्रो काम गर्दा असुरक्षित फिल नगर्न आग्रह गर्छु ।’
