चालु आर्थिक बर्षमा २११९ निजामती कर्मचारी अनिवार्य अवकाशमा जाँदैछन् । निजामती किताबखानाका अनुसार चालु आर्थिक बर्षमा उमेर हद र सेवा हद लागेर १६ सचिव,७४ सहसचिवसहित २११९ कर्मचारी अनिवार्य अवकाशमा जान लागेका हुन ।
बिज्ञापन
किताबखानाका अनुसार,कामु मुख्य सचिव लीलादेवी गड्तौला भदौं १५ गते ५८ वर्ष उमेर हद लागेर उनी घर जानेछिन् । निजामती सेवा दिवसकै दिन अर्थात २२ भदौंमा राष्ट्रिय योजना आयोगका सचिव तोयानारायण ज्ञवाली अवकाशमा जाँदैछन् । थारु आयोग कृष्णकान्त उपाध्याय,हाल सञ्चार मन्त्रालयमा रहेका सचिव रामकृष्ण सुवेदी कात्तिक ५,सहरी विकास मन्त्रालयका सचिव मणिराम गेलाल मंसिर १३ गते ५८ वर्षे उमेर हद लागेर घर फर्किनेछन् । यस्तै उमेर हद लागेर आगामी मंसिर २८ मा घर जाने सूचीमा रहेका नेपाल कानुन आयोगका सचिव तोयानाथ अधिकारी अवकाशको चार महिना अगाडि नै राजीनामा दिएका छन् । यस्तै माघ २९ गते महिला, बालबालिका तथा जेष्ठ नागरिक मन्त्रालयका सचिव दिनेश भट्टराई ५ वर्षे सेवा अवधि लागेर घर जाने निजामती किताबखानाले जनाएको छ ।
फागुन १२ गते स्वास्थ्य सचिव डा रोशन पोखरेल,फागुन १६ मा अर्थ सचिव मधुकुमार मरासिनी,फागुन १८ गते गृहसचिव एकनारायण अर्याल फागुन १८ गते घर जानेमा पर्छन् । यस्तै राष्ट्रिय तथ्याङ्क कार्यालयका सचिव अर्जुनप्रसाद पोखरेल ०८२ वैशाख २ गते अवकाश पाउनेको सूचीमा छन् । यस्तै सोही महिनाको २५ गते महालेखा नियन्त्रक रहेका विनोद प्रकाश सिंह ५८ वर्षे उमेर हद लागेर घर जाँदैछन् । संस्कृति, पर्यटन तथा नागरिक उड्डयन मन्त्रालयका सचिव गणेशप्रसाद पाण्डे वैशाख ३० गते घर जानेमा पर्छन् । यस्तै सत्य निरुपण तथा मेलमिलाप आयोगका सचिव उदयराज सापकोटा ०८२ जेठ २८ गते, व्यवस्थापिका संसद् सचिवालयका सचिव सुदर्शन खड्का ०८२ साल जेठ ३० गते अवकाश हुँदैछन् । यस्तै ०८२ असार ६ गते वामदेव अधिकारीले जागिरबाट घर जाने भएका छन् ।
बिज्ञापन
सचिव बन्ने लाइनमा छन् ३० बढी सहसचिवहरु
किताबखानाका अनुसार चालु आर्थिक बर्ष विशिष्ठ श्रेणीका यी १६ कर्मचारीसहित सहसचिवहरु ७४ जना रहेका छन् ।
होमप्रकाश लुँइटेल,कृष्णप्रसाद पन्थ,शिक्षा सेवाका राजकुमार विश्वकर्मा,शान्ता अधिकारी भट्टराई,थानेश्वर गौतम,इश्वरीप्रसाद अर्याल,परराष्ट्रतिरका दुर्गाबहादुर सुवेदी,कृषिका प्रदीपचन्द्र भट्टराई,मदन सिंह धामी,सहन्यायधिवक्ता कृष्णमोहन कोइराला,नारायणबहादुर थापा,कोमल प्रसाद धमला,शंकरप्रसाद पण्डित,भरतप्रसाद अर्याल अनिवार्य अवकाशमा जाँदैछन् ।
यस्तै सहसचिव तहका कुमार थापा,बेलबहादुर भुजेल,अमिरप्रसाद न्यौपाने,डिल्लीराज जोशी,केशवप्रसाद दाहाल,ध्रुवबहादुर खड्का,रामकुमार केसी,रामचन्द्र ढकाल,कोषनाथ अधिकारी पनि अनिवार्य अवकाशमा जाँदैछन् ।
यस्तै,ख्यामबहादुर थापा क्षेत्री,प्रकाशमणि पौडेल,डा नरहिरप्रसाद घिमिरे,हिरामणि शर्मा,मिनराज ढकाल, शोभा सिंह,बद्रीबहादुर खड्का,रामप्रसाद घिमिरे,नेत्रकुमार खत्री,सह न्यायधिवक्ता हिमालय कुमार त्रिताल,अर्जुनप्रसाद भट्टराई,डा सिन्धुप्रसाद ढुंगना,विष्णुप्रसाद पौडेल अवकाशमा जाँदैछन् ।
किताबखानाका अनुसार,सुशील वैद्य,टिकाराम थापा,टंकप्रसाद प्रसाई,कृषिका सूर्यप्रसाद पौडेल,कुमार घिमिरे,शिवकुमार कार्की,बैकुण्ठ निधि शर्मा,दीपक शर्मा,राजेन्द्रप्रसाद दास,चन्द्रकान्त खनाल,सुर्य प्रसाद सेडाई,राजेन्द्र पराजुली अनिवार्य अवकाश पाउँदैछन । राजदूत घनश्याम लम्साल,डोरनाथ अर्याल,माधवप्रसाद भट्टराई,मातृका भट्टराई,धर्मराज कुँइकेल,प्रेमशरण श्रेष्ठ,दीर्घबहादुर पोखरेल,कृष्णप्रसाद पुडासैनी,टिकाराम पाण्डे,सूर्यबहादुर खत्री,शिवराम न्यौपाने,राजेन्द्र थापा,इन्दु विक्रम जोशी पनि अवकाश पाउनेको सूचीमा छन् ।
यस्तै नारायणप्रसाद सापकोटा,बद्रीकुमार कार्की,मधुप्रसाद भेटवाल,अरुणकुमार झा,रघुराम बिष्ट,राजदूत हरिश्चन्द्र घिमिरे,शिवराज चौलगाई,रामचन्द्र काफ्ले,तीर्थप्रसाद धिताल,अजयकुमार मुल,किरण रुपाखेती,नुरहरि खतिवडा,माधवजंग कार्की,गोविन्दराज गौली सहसचिव सहित २११९ कर्मचारीले चालु आर्थिक बर्षमा अवकाश पाउन लागेका हुन ।
बिज्ञापन
