नेपाली प्रविधि क्षेत्रका खलनायकका रुपमा चिनिएका सुनिल पौडेलविरुद्ध राजश्व अनुसन्धान विभागले मुद्धा चलाएको छ । हाल पुर्पक्षका लागि डिल्लीबजार कारागारमा रहेका नेपाल टेलिकमका तत्कालीन पूर्व प्रवन्ध निर्देशक पौडेलविरुद्ध राजस्व अनुसन्धान विभागले सुनील पौडेलविरुद्ध अवैध विदेशी विनिमयसम्बन्धी अभियोगमा मुद्दा दायर गरेको हो ।
बिज्ञापन
नेपाल राष्ट्र बैंकको स्वीकृतिबिना विदेशमा रहेको बैंकमा खाता खोलेर कारोबार गरेको आरोपमा उनीविरुद्ध बुधबार काठमाडौं जिल्ला अदालतमा मुद्दा दायर गरिएको विभागले जनाएको छ।विभागले उनीविरुद्ध ७७ लाख ४५ हजार ९ सय रुपैयाँ बिगो कायम गरी त्यसको तेब्बर २ करोड ३२ लाख ३७ हजार ७ सय रुपैयाँ जरिवानाको माग गरेको छ । पौडेलले विदेशी विनिमय नियमित गर्ने ऐन, २०१९ को दफा १६ विपरीत विदेशी बैंकमा पैसा राखेको पाइएको छ । उनले सिंगापुरको युनाइटेड ओभरसिज बैंकमा ५८ हजार अमेरिकी डलर राखेको विषयमा विभागले अनुसन्धान थालेको थियो ।अनुसन्धानपछि विभागले पौडेलविरुद्ध उक्त रकमको कानुनानुसार तीन गुणा बढी अर्थात् दुई करोड ३२ लाख ३७ हजार ७०० रुपैयाँ बिगो मागदाबी गर्दै मुद्दा दायर गरेको हो ।
बिज्ञापन
पौडेललाई प्रतिवादी बनाएर अख्तियार दुरुपयोग अनुसन्धान आयोगले गत बर्ष असोज १५ गते नेसनल पेमेन्ट गेटवे खरिदमा भ्रष्टाचार गरेको अभियोगमा विशेष अदालतमा मुद्दा दायर गरेको थियो । विशेष अदालतका न्यायधीशहरु तेजनारायण सिंह राई, रामबहादुर थापा र रितेन्द्र थापाको इजलासले गैरकानुनी सम्पत्ति आर्जनमा उनलाई पुर्पक्षका लागि थुनामा पठाउने आदेश दिएसँगै उनी डिल्लीबजार कारागारमा छन् । अदालले उनलाई नौ वर्ष जेल र २३ करोड २७ लाख ५८ हजार रुपैयाँ जरिवानासहितको सजाय सुनाएको थियो ।
बिज्ञापन
