सामाजिक सञ्जालमा एक सरकारी गाडीले लेन मिचेर अर्काे लेनमा गएको भिडियो चर्चामा छ ।
बिज्ञापन
सामाजिक सञ्जालमा भाइरल भइरहेको भिडियोमा बा १ झ ७६७५ नम्बरको सरकारी नम्बरप्लेट भएको गाडीले लेन उल्लंघन गरेको देखिन्छ ।
बिज्ञापन
जल उत्पन्न प्रकोप नियन्त्रण विभागको गाडीका चालक ‘लेन’ अनुशासनको कारबाहीमा परेको उपत्यका ट्राफिक प्रहरी कार्यालयका प्रवक्ता एसएसपी जीवनकुमार श्रेष्ठले लोकान्तरलाई जानकारी दिए ।
एसएसपी श्रेष्ठका अनुसार यो घटना गत शुक्रबारको हो । गाडीले ललितपुरको सातदोबाटोबाट ग्वार्काे जाने सडकमा लेन उल्लंघन गरेको उनले बताए ।
बिज्ञापन
सरकारी नम्बरप्लेट भएको गाडी जल उत्पन्न प्रकोप नियन्त्रण विभागको रहेको एसएसपी श्रेष्ठले बताए ।सरकारी गाडीले सडकमा लेन मिचेको भन्दै चालकमाथि कारबाहीका लागि सामाजिक सञ्जालमा दबाब बढेको थियो । लगत्तै, ट्राफिक प्रहरीले एक्सन लिएको हो ।
लेन उल्लंघन गरेका बेला गाडीमा चालकमात्रै रहेको र उनलाई कारबाहीको दायरामा ल्याइएको उनले बताए ।
