भैरहवा भन्सार गस्ती टोलीले रुपन्देहीको दुई अलग स्थानबाट भन्सार छलेर भित्राइएका २२ लाख रुपैयाँ मुल्य भन्दा धेरैका सामानसहित ढुवानीमा प्रयोग गरिएका तीनवटा मिनी ट्रक पक्राउ गरेको छ ।
बिज्ञापन
पक्राउ परेका मिनी ट्रकको बरामद सामान बाहेक करिब १५ लाख रुपैयाँ मुल्यको रहेको जनाइएको छ ।भन्सार गस्ती टोलीले रुपन्देहीको सियारी गाउँपालिकामा पर्ने अमुवास्थित भित्री गाउँबाट लु १ च ४७९२ नम्बरको ट्रक सहित ब्रा, मोजा र बेल्ट (पेटी), टेप्पर ग्लास, लेडिज सेन्डल लगायत्का साढे १९ लाख भन्दा धेरै मुल्यको सामान पक्राउ गरेको हो ।
बिज्ञापन
भन्सार कार्यालयका प्रमुख नारद गौतमले भन्सार गश्ती टोलीलाई देखेपछि प्याज ढुवानी गरेका दुईवटै ट्रकका चालक फरार भएको बताए । सूचनाको आधारमा भन्सार गश्तीले दुईवटा ट्रकसहितको प्याज पक्राउ गरेको उनले बताए । ‘भन्सार गश्तीले प्रयोग गर्ने गाडीको प्रयोग गर्दा तस्करका सुराकीले टाढैबाट खबर गर्ने भएकाले गश्ती टोलीले भारतीय नम्बर प्लेटको गाडीको प्रयोग गरेको थियो’, उनले भने ।
यसैगरी, भैरहवास्थित गौतम बुद्ध अन्तराष्ट्रिय विमानस्थलको पछाडि मर्चवार जाने सडकको गरगट्टी भन्ने स्थानबाट लु १ च ६४३० र लु १ ख ४५४६ नम्बरको मिनी ट्रकसहित २ लाख ८० हजार रुपैयाँ मुल्य बराबरको ७ टन प्याज पक्राउ गरेको हो ।
बिज्ञापन
गस्ती टोलीलाई देखेपछि प्याज ढुवानी गरेका दुईवटै ट्रकका चालक फरार भएको गौतमले बताए ।भन्सार प्रमुख गौतमले चालकको बयानको आधारमा थप अनुशन्धान तथा कारवाही प्रक्रिया अगाडि बढाइने बताए । उनले भन्सार कार्यालयले निरन्तर गश्ती गरिरहेकाले चोरीतस्करी गर्ने पक्राउ परिरहेको जनाए । ‘हामीले गश्तीलाई निरन्तरता दिएका छौं, बेलाबेलामा सूचनाहरु पनि आउने गरेका छन्’, उनले भने, ‘सूचनालाई तुरुन्तै फलोअप गरेर काम गरिरहेका छौं ।’
