चार वटा महावाणिज्यदूतावासमध्ये भारत र चीनमा नयाँ महावाणिज्यदूत पठाउने तयारी चल्दैछ ।
बिज्ञापन
चीनको ग्वोन्जाओ, हङकङ, ल्हासा र कोलकोत्तामा महावाणिज्यदूतावास रहेको छ । जसमध्ये ग्वान्झाओ ६ महिनादेखी महावाणिज्यदूतविहिन छ । यस्तै आगामी असार अन्तिममा कोलकताको महावाणिज्यदूत ईश्वर पौडेल कार्यकाल सकिँदैछ । सरकारले यी दुई निकायमा हालैमात्र परराष्ट्र मन्त्रालयमा भित्रिएका सहसचिवलाई महावाािण्ज्यदूत बनाएर पठाउने गृहकार्य थाल्दैछ ।
बिज्ञापन
गत वैशाख २७ गते बसेको मन्त्रिपरिषद्को बैठकद्वारा परराष्ट्रमा सरुवा गरिएकामा प्रधानमन्त्री तथा मन्त्रिपरिषदको कार्यालयमा प्रशासन महाशाखा हेर्ने सहसचिव नारायणप्रसाद भट्ट र राजश्व अनुसन्धान विभागका महानिर्देशक नवराज ढुङ्गानालाई उत्तर र दक्षिणको महावाणिज्यदूत बनाएर खटाउन लागेको हो । भट्टलाई ग्वान्झाओ र ढुङ्गानालाई कोलकातामा महावाणिज्यदूत नियुक्त गरिने बुझिएको छ । परराष्ट्रअन्तर्गत आकर्षक मानिने वाणिज्य नियोगहरुमा नियुक्त गर्न ढिलाई भएपछि उनीहरुको सरुवा गरिएको थियो । उनीहरुलाई महावाणिज्यदूतमा छिट्टै नै नियुक्ति गरिने परराष्ट्र स्रोतले जनाएको छ ।
यता ल्हासामा महावाणिज्यदूत चलाइरहेका नवराज ढकाल र हङकङमा महावाणिज्यदूतमा उदय राना छन् । यी दुबै नुवाकोटे हुन र आगामी कार्तिक अन्तिममा कार्यकाल पूरा गरेर फर्किएसँगै ती स्थान पनि रिक्त हुँदैछन् ।
यता,हालै परराष्ट्र पुगेपछि भट्टको ठाउँमा जिल्ला प्रशासन कार्यालय,पर्वतका प्रमुख जिल्ला अधिकारी प्रेमप्रसाद आचार्यलाई ल्याउने तयारी भइरहेको छ ।
बिज्ञापन
