प्रतिनिधि सभाको बजेट अधिवेशन आज बस्दै छ । विद्येयक अधिवेशनका रुपमा हेरिएको हिँउदे अधिवेशन वैशाख २ गते राति १२ बजेदेखि अन्त्य भएसँगै संघीय निजामती सेवा विद्येयक अलपत्र परेको छ ।
बिज्ञापन
संघीय निजामती सेवा विद्येयक प्रतिनिधि सभाको एउटा सिटिङमा मात्र अल्झिएको छ । आज बस्ने बैठकले उक्त विद्येयक राज्यव्यवस्था तथा सुशासन समितिमा पठाइएको खण्डमा उक्त समितिमा दफादार छलफल हुने अन्यथा विद्येयक अर्को अधिवेशनसम्म त्यतिकै अल्झने संसद सचिवलायका एक उपसचिवले कर्मचारी प्रेसलाई बताए ।
बिज्ञापन
प्रतिनिधि सभामा मात्र २३ विधेयक छलफलका क्रममा छन् । प्रतिनिधि सभामा बैङ्क तथा वित्तीय संस्थासम्बन्धी (पहिलो संशोधन) विधेयक, सङ्घीय निजामती, निर्माणमुखी सामग्री व्यवस्थापन, राजनीतिक दलसम्बन्धी विधेयक विचाराधीन छन् । यस्तै भन्सार, बैङ्किङ कसुर तथा सजाय, विद्यालय शिक्षा, विद्युत्लगायतका विधेयक पनि प्रतिनिधि सभामा नै विभिन्न चरणमा विचाराधीन छन् । सङ्घीय संसद्को पहिलो अधिवेशनमै दर्ता भएका संवैधानिक परिषद्सम्बन्धी विधेयक र बेपत्ता पारिएका व्यक्तिको खोजबिन, सत्य निरूपण तथा मेलमिलाप आयोगसम्बन्धी विधेयक पनि समितिमा दफाबार छलफलका क्रममा छन् ।
प्रतिनिधि सभामा २३ वटा विद्येयक अल्झिएका छन् । जसमध्येको अन्तिम चरणमा पुगेको विद्येयक हो संघीय निजामती सेवा विद्येयक । विद्येयक प्रतिनिधि सभाको एउटामात्र सिटिङमा अल्झिएको छ । उक्त बैठकले विद्येयक दफादार छलफलका लागि संघीय संसदको राज्यव्यवस्था तथा सुशासन समितिमा पठाउनेछ । उक्त विद्येयक उपर १५ सयभन्दा बढी संशेधन प्रस्ताव दर्ता भएको छ ।
बिज्ञापन
बजेट अधिवेशनमा बजेटकै केन्द्रविन्दुमा रहेर छलफल हुने हुँदा संघीय निजामती सेवा विद्येयक यो अधिवेशनमा अगाडि बढ्ने सम्भवना न्यून रहेको देख्दन संसदका कर्मचारीहरु ।
