आमा हुन सूर्यको प्रकाश र चन्द्रमाको शीतलता,
बिज्ञापन
आमा हुन सधै र सबैका लागि प्रणेता र देउता ।
बिज्ञापन
आमाको दूध अमृत धारा, यो पौष्टिक आहारा,
जस्तोसुकै परिस्थितिमा आमा नै हाम्रो सहारा।
बिज्ञापन
आमा विना त हुँदैन कसैको सफल र सार्थक जीवन,
अनि त आमा विना छैनन् संसारमा कुनै ठूलो धन ।
आमाको हुँदैन कुनै जात, पुऱ्याउँदैन कुनै आघात ।
आमाले कहिल्यै गर्दैनन् छोराछोरीसित पक्षपात ।
आमा छन् सर्वत्र, बनाउँछन् छोराछोरीको चरित्र ।
आमाले नै बनेका छन् यी धर्ती सुन्दर र पवित्र।
आमा विना त हुँदैन कसैको सफल र सार्थक जीवन,
अनि त आमा विना छैनन् संसारमा कुनै ठूलो धन ।
आमाबाट सृष्टिको सुरु, छोराछोरीको पहिलो गुरु ।
आमाबाट सन्तानले पढ्न, लेख्न र बोल्न गर्छन् सुरु।
आमा विना त हुँदैन कसैको सफल र सार्थक जीवन,
अनि त आमा विना छैनन् संसारमा कुनै ठूलो धन ।
आमा हुन् सृष्टिको आधार, मधुरता र मातृत्व अपार,
आमा हुन् दया, क्षमा र करुणाको सागर शृंगार।
लेखक राकेश कुमार रसिक
