अख्तियार दुरुपयोग अनुसन्धान आयोगले नेपाल टेलिकमका निलम्बित प्रबन्ध निर्देशक सुनिल पौडेलविरुद्ध भ्रष्टाचार मुद्दा दायर गरेको छ । पौडेलविरुद्ध अख्तियारले यो दोश्रो मुद्धा चलाएको हो । नेसनल पेमेन्ट गेटवेसम्बन्धी उपकरण खरिद प्रकरणमा २३ करोडको भ्रष्टाचार मुद्दामा विशेष अदालतले दोषी ठहर गरेको तीन दिन पछि अख्तियारले पौडेलविरुद्ध आइतबार अर्काे मुद्धा विशेष अदालतमा दायर गरेको हो ।
बिज्ञापन
गैरकानूनी सम्पत्ति आर्जनको अभियोगमा अख्तियारले आइतबार विशेष अदालतमा भ्रष्टाचार मुद्दा दायर गरेको हो । अख्तियारले पौडेलबाट २३ करोड ७५ लाख बिगो मागदाबी गरेको छ ।उनको वैध आय १ करोड १९ लाख २४ हजार ४८६ रुपैयाँ रहेकोमा व्यय २४ करोड ९४ लाख ७१ हजार १७१ रुपैयाँ रहेको देखिएपछि मुद्दा दायर भएको हो ।
बिज्ञापन
आम्दानीको तुलनामा अस्वाभाविक आर्जन देखिएको भन्दै अख्तियारले अकूत सम्पत्ति कमाएको निष्कर्ष निकालेको छ । गैरकानूनी सम्पत्ति आर्जन गरेको उजुरीमाथि अनुसन्धानका लागि भन्दै अख्तियारले उनलाई १० माघमा पक्राउ गरेर हिरासतमा राखेको छ । आइतबार नै अख्तियारले उनीसँगै पक्राउ परेका विकल पौडेलविरुद्ध आफ्नो ओहोदा ढाँटेर सार्वजनिक पदमा पुगी भ्रष्टाचार गरेको आरोपमा मुद्दा दायर गरेको छ ।
सुनिल पौडेलविरुद्ध अख्तियारले दायर गरेको यो दोस्रो भ्रष्टाचार मुद्दा हो । गत असोजमा दायर पेमेन्ट गेटवेको मुद्दामा उनलाई विशेष अदालतले शुक्रबार मात्रै दोषी ठहर गरेको छ । विशेष अदालतले कसुर निर्धारणका लागि २५ वैशाखमा पेशी तोकेको छ ।
बिज्ञापन
यस्तै विकल पौडेलविरुद्ध समेत अख्तियारले आजै अर्काे मुद्धा दायर गरेको छ । नेपाल सूचना प्रविधि क्षेत्रका खलनायकका रुपमा चित्रित यी दुबै भाइ अहिले अख्तियारको हिरासतमा छन् ।
