पेशाले सुरक्षाकर्मी,जस्को हातमा बन्दुक छ तर शब्द र अक्षरसँग पनि घनिष्ट छ, साइनोर सम्बन्ध छ । नेपाली सेनाबाट रिटायर्ड जनरल राजेन्द्र थापाका दर्जनौं गीतहरु चर्चित छन् । उपन्यास,कथा,गजल, मुक्तक उनले साहित्य श्रृजनामा हात नहालेको ठाउँ छैन ।
बिज्ञापन
उसो त सेना तथा प्रहरीको जागिरेलाई नेपाली समाजमा कडा स्वभावको मानिने गरिएको छ । साहित्य क्षेत्रमा लाग्नेको स्वभाव नरम हुन्छ भनिन्छ । थापाझैं आनन्द अधिकारी पनि राष्ट्रियस्तरकै चर्चित गीतकारमा गनिन्छन् । यस्तै सशस्त्र प्रहरीका गैरे सुरेश झैं राजुबाबु श्रेष्ठ,पार्वती थापा पनि चर्चित छन्,साहित्य र श्रृजनामा होमिएर । उनै अग्रजहरुको झैं एक हातमा बन्दुक समाएर अर्को हातले साहित्य श्रृजनामा सक्रिय छन्,सीपी गौतम अर्थात,चन्द्र प्रकाश गौतम जो सशस्त्र प्रहरीका एआइजीमा बहालरत छन् । सशस्त्र प्रहरीको जिम्मेवारी पूरा गर्दै बाँकी रहेका र बचे खुचेका समय उनी साहित्य र सृर्जना घोतलिन्छन् । पहिलो एल्वम निकाले “आश” । जस्को व्यापक चर्चा र परिचर्चा भयो प्रहरी संगठनभित्रै । नेपाल प्रहरी र सशस्त्र प्रहरीमात्र होइन सेवाभन्दा बाहिरका धेरैले यो गीतलाई सिआरबीटी बनाए । उक्त गीतले विन्ध्यावासीनी म्युजिक अवार्ड समेत हात पार्न सफल रह्यो सर्वोत्कृष्ट उपाधि चुम्यो ।
बिज्ञापन
अक्सर मान्छे वा त भूत सम्झेर रुमलिन्छन्,वा भविष्यको चिन्तामा रहन्छन् तर चन्द्रप्रकाश गौतम वर्तमानमा बाँच्ने प्रयास गर्दछन् । जे काम गर्दछन्,तन,मन,ध्यान त्यसैमा दिन्छन् । त्यही हो उनको सफलताको राज । ०२८ सालमा बुबा खड्गप्रसाद र आमा चन्द्रकलाको कोखबाट जन्मिएका हुन उनी ताप्लेजुङ्गमा । बाल्यकाल बित्यो तेह्रथुमको आठराईमा । हुने विरुवाको चिल्लो पात भनेझै हाई स्कूलदेखि नै कोर्दथें कथा, कविता, निबन्ध । तिनताक राष्ट्रव्यापी अन्तर मावि निबन्ध प्रतियोगितामा दोस्रो भएको भर्खरै जस्तो लाग्छ । रुची साहित्य होइन,विज्ञान थियो । डाक्टर बन्ने लक्ष्य थियो । कक्षामा कहिल्यै दाश्रो भएनन् । पढाइमा अब्बल भएका कारण विज्ञान रोजे र २३ वर्षको उमेरमा रसायन शास्त्रमा स्नातकोत्तर पार लगाए । सरकारी सेवाको इन्ट्री प्वाइन्ट लोकसेवामार्फत बैंकिङ र सरकारीमा गरेर तीन वटा परीक्षा थिए । परीक्षा दिए जति सबैमा नाम निस्कियो । भन्छन,जीवन नियमले कम र सयोगले बढी चल्दछ । त्यही संयोगले उनलाई डाक्टर होइन कि सरकारी सेवातिर पाइला मोडयो । रोजाइको विज्ञान प्रयोगशाला नपरे पनि हातमा बन्दुक थामियो । नेपाली सेनाको सहायक सेनानीमा भर्ना भएका उनी क्याप्टेन हुँदै अहिले सशस्त्र प्रहरी बलको एआइजीको जिम्मेवारीमा छन् ।
६ गीत समावेश एल्बममा सत्य राज आचार्य, स्वरूप आचार्य, मनोज राज, अन्जु पन्त र निशा देसारको स्वर सुन्न पाइन्छ । जहाँ सशस्त्रकै गैरे सुरेशले संगीत भरिदिएका छन् । गीतमा माया,प्रेमका अलवा देशप्रेमले ओतप्रेत शब्दलाई लयबद्ध गरिएको सुन्न सकिन्छ । नेपाली हौं युग युग नेपाली, मातृभूमि रक्षार्थ हरदम छाति थापिरहन्छौं, यो ज्यान जाओस् यो प्राण जाओस् तर देश बच्नुपर्छ यस्का अलवा सशस्त्र प्रहरी बल नेपालको दशैं गित घाम लाग्यो घमाईलो ए हजुर फौजी घर रमाईलो, हामी ए।पी।एफ। जस्ता धेरै गीतहरु उनका रचना हुन । गौतमको मान्यता छ,साहित्यले समाजलाई प्रतिबिम्बित गर्नुपर्दछ । समाजको प्रगति र विकासतर्फ निर्देशित हुनुपर्दछ । पूर्णकालिन सुरक्षाकर्मी हुन उनी, लेखक पार्टटाइम हुन । जागिर र सेवाबाट बचे खुचेको समय घर परिवारलाई दिने हो । परिवारलाई दिने समय चोरेर उनी साहित्य लेखनमा डुबुल्की मार्दछन् । गीतका अलवा कथा र लेखहरु पनि पढ्न पाइन्छन् ।
बिज्ञापन
