ललित बोहरा,डडेल्धुरा
संघीय मामिला तथा सामान्य प्रशासनमन्त्री भानुभक्त जोशीले काठमाडौं महानगरपालिका र सुदूरपश्चिम प्रदेशको बजेटको आकार उस्तै उस्तै रहेको बताएका छन् । मन्त्री जोशीले काठमाडौं महानगरपालिका लगायतका ठूला महानगरपालिकाले बजेट होल्ड गर्ने,खर्च गर्न नसक्ने स्थिति रहेको तर राजश्व कम संकलन हुने सानो पालिकाले अभाव खेप्नु परेको बताएका हुन ।
बिज्ञापन
कार्यक्रमको सिलसिलामा डडेल्धुरा आइपुगेका मन्त्री जोशीले ठूला स्थानीय तहमा बजेट होल्ड हुने र साना स्थानीय तह बजेट अभाव झेल्नुपरिरहेको बताएका हुन ।‘काठमाण्डौ महानगरको बजेट र सुदूपश्चिम प्रदेशको बजेट उस्ता उस्तै छ केही महानगरहरुले बजेट खर्च गर्न सकिरहेका छैनन्, उनले भने, ‘साना स्थानीय तहमा बजेट नै अभावले कम गर्न समस्या छ।’
बिज्ञापन
डडेलधुरामा यहाँका स्थानीय तहका जनप्रतिनिधि र प्रमुख प्रशासकिय अधिकृतहरुसंगको अन्तरक्रिया कार्यक्रममा बोल्दै मन्त्री जोशीले यस्तो बताएका हुन् । सानो तथा राजस्व संकलन कम भएको स्थानीय तहहरुले बजेट अभाव झेल्नु पर्ने अवस्था रहेका मन्त्री जोशीको भनाई छ ।
उनले स्थानीय तह र सङ्घीय मामिला तथा सामान्य प्रशासनले युवा स्वरोजगारका लागि एकिकृत कार्यक्रम गर्न अर्थ मन्त्रालयलाई बजेट प्रस्ताव गरिएको बताए । ‘एक जिल्लामा एक एकिकृत कार्यक्रम गर्ने पाए युवा स्वरोगारसंग जोड्न सकिन्थो कि भनेर अर्थसंग ५० करोड प्रस्ताव गरेकाछौँ अर्थ मन्त्री सकरात्मक हुनुहुन्छ। ’
बिज्ञापन
फरक प्रशंगमा बोल्दै मन्त्री जोशीले स्थानीय तहमा उपप्रमुख तथा उपाध्यक्षहरुलाई नगर प्रमुख वा अध्यक्षहरुले उनीहरुको अधिकार बाहिर गएर काम गरेको गुनासो पोखे । संविधानले स्थानीय तहमा उप्रमुख वा उपाध्यक्षको अधिकार अनुगमन र न्यायीक समिति लगायतका दिएको स्मण गर्दै मन्त्री जोशीले समन्वय गरेर जान प्रमुखहरुलाई आग्रह गरे ।
स्थानीय तह, प्रदेश, संघका कार्मचारीको क्षमता कसरी बृद्धी गर्ने सकिन्छ भने हाम्रो मन्त्रालय लागिरहेको उनले बताए । मन्त्री जोशीका प्रेस संयोजक डोरेन्द्र खड्का अनुसार,उनी शुत्रmबार नै गृह जिल्ला बझाङ जाने कार्यक्रम रहेको छ ।
