दूरसञ्चार प्राधिकरणका लागि टेरामक्स प्रविधिका उपकरण खरिद प्रकरणमा पूर्वसचिव धनराज ज्ञवाली पनि तानिएका छन् । २०८० साउनमा कानुन, न्याय तथा संसदीय मामिला मन्त्रालयको सचिवबाट अवकाश पाएका ज्ञवाली सहसचिव छँदा टेरामक्सका उपकरण खरिदको सुरुवाती चरणमै संलग्न रहेको पाइएको हो ।
बिज्ञापन
तत्कालीन दूरसञ्चार प्राधिकरणका बोर्ड सदस्य धनराज ज्ञवाली (कानुन सचिवबाट अवकाश)लाई पनि टेरामक्स प्रविधि घोटालामा अख्तियारले बयान लिइसकेको हो ।अख्तियारले टेरामक्स प्रविधि घोटालामा नेपाल दूरसञ्चार प्राधिकरणका तत्कालीन अध्यक्षहरु दिगम्बर झा र पुरुषोत्तम खनालसँग समेत बयान लिएको छ । यसरी हेर्दा टेरामक्स घोटलामा सञ्चार मन्त्रालयका ३ पूर्वमन्त्री, २ पूर्वसचिव, कानुन मन्त्रालयका १ पूर्वसचिव, सञ्चार मन्त्रालयका तत्कालीन १ सहसचिव, नेपाल दूरसञ्चार प्राधिकरणका पूर्वअध्यक्षद्वयको प्रत्यक्ष संलग्नता देखिन्छ । यी सूचना प्रविधि क्षेत्रको घोटालामा जोडिएका ठूला माछा हुन् । ठूला माछा समात्न अख्तियारले गर्ने हिम्मतलाई धेरैतिरबाट प्रशंसा हुँदै आएको छ ।
बिज्ञापन
टेरामक्स प्रविधि घोटालामा तत्कालीन सञ्चार सचिवहरु डा. बैकुण्ठप्रसाद अर्याल (हाल मुख्यसचिव) र महेन्द्रमान गुरुङ (हाल प्रमुख सूचना आयुक्त)सँग पनि अख्तियारले बयान लिइसकेको छ । त्यस्तै सञ्चार मन्त्रालयका तत्कालीन सहसचिव विनोद प्रकाश सिंह (प्राकृतिक स्रोत तथा वित्त आयोग सचिव) र तत्कालीन दूरसञ्चार प्राधिकरणका बोर्ड सदस्य धनराज ज्ञवाली (कानुन सचिवबाट अवकाश)लाई पनि टेरामक्स प्रविधि घोटालामा अख्तियारले बयान लिइसकेको हो ।
बिज्ञापन
