पूर्वाधार विकास कार्यालय सल्यानका हाकिम प्रहरीको फन्दामा परेका छन्। पूर्वाधार विकास निर्देशनालय पूर्वाधार विकास कार्यालय सल्यानका सिनियर डिभिजन इन्जिनियर हरिबहादुर ओलीवलीलाई पाँच दिन हिरासतमा राख्न प्रहरीले अनुमति पाएको छ।
बिज्ञापन
नेपाली कांग्रेस सल्यानका सभापति केशबहादुर विष्टमाथि आक्रमण गरेको आरोपमा पक्राउ परेका उनलाई आइतबार अदालतले पाँच दिन हिरासतमा राखेर घटना अनुसन्धानका लागि अनुमति प्रदान गरेको हो।
बिज्ञापन
चैत २९ गते बेलुकी सल्लीबजारस्थित बालुवा संग्रहको कृष्ण होटलमा ५६ वर्षीय विष्ट र कार्यालय प्रमुख ३६ वर्षीय वलीबीच सामान्य विवाद हुँदा वलीले आफूमाथि कुटपिट गरेको भन्दै विष्टले किटानी जाहेरी दिएका थिए। वलीलाई प्रहरीले आइतबार बिहान नियन्त्रणमा लिएको जिल्ला प्रहरी प्रमुख डिएसपी नवीन कार्कीले जानकारी दिए।
सभापति विष्टको टाउकोमा चोट लागेको छ। उनको टाउकोमा पाँच वटा टाँका लगाइएको डिएसपी कार्कीले बताए।प्रहरीले वलीमाथि कुटपिट तथा अभद्र व्यवहार सम्बन्धी मुद्दामा अनुसन्धान अघि बढाएको हो।
बिज्ञापन
