सिंहदरबारमा आफूलाई सलाम नगरेको भन्दै वरिष्ठ हवल्दारले जवानलाई झापड हानेका छन् । अर्थमन्त्री वर्षमान पुनका चालक वरिष्ठ हवल्दार उज्वल भण्डारीले जवान सुन्दर सिंहलाई दुर्व्यवहार गरेका हुन् ।
बिज्ञापन
दुर्व्यवहारमा पर्ने जवान सिंहदरबार सुरक्षा गणमा कार्यरत छन् । उनी गणका प्रमुख एसपी सन्तोष तामाङका व्यक्तिगत सुरक्षा अधिकृत हुन् । हवल्दार उज्ज्वल भण्डारीले जवान सुन्दर सिंहलाई मलाई किन सलाम गर्दैनस् ? भन्दै गाला रातो हुनेगरी आज बिहान करिब साढे १० बजेको समयमा थप्पड हानेको प्रत्यक्षदर्शीले जानकारी दिए ।
बिज्ञापन
सलाम नगरेको आरोपमा सिंहलाई वरिष्ठ हवल्दारले दुर्व्यवहार गरेको एकजना प्रत्यक्ष दर्शीले बताए । उक्त घटनालाई गोप्य रूपमा राख्न खोजिएको छ।कुट्ने भण्डारी र कुटाइ खाने सिंह दुवैजना बझाङ घर भएका र पहिलेदेखि नै हवल्दारले जवानलाई हेप्ने गरेको बताइएको छ ।
प्रहरी प्रधान कार्यालयस्थित सुरक्षा सेवा निर्देशनालयबाट खटिएका वरिष्ठ हवल्दारविरुद्ध जवानले प्रतिवेदन दिँदै छन् ।
