एमाले नेता महेश बस्नेतविरुद्ध फौजदारी कसुरको जाहेरी दर्ता भएको छ । धादिङ जन्मथलो भएकी र नेकपा (एमाले)कै एक कार्यकर्ता बताउने एक महिलाले महेशमाथि भ्रूण हत्या, बलात्कार र डाँका चोरी मुद्दामा प्रतिवादी बनाएर जिल्ला प्रहरी परिसर काठमाडौँमा जाहेरी दर्ता गराएकी हुन् ।
बिज्ञापन
जाहेरीमा बस्नेतले आफूलाई दुई पटक बलात्कार गरेको आरोप लगाइएको छ । एक पटक काठमाडौँ महानगरपालिका–१० बबरमहलस्थित सनसाईन अपार्टमेन्ट र भारतको गुडगाउँस्थित तुलसी हेल्थकेयर अस्पतालमा बलात्कार गरेको उल्लेख छ ।
बिज्ञापन
यस्तै जाहेरीमा २ महिना १५ दिनको भ्रूण हत्या समेत बस्नेतले गराएको आरोप लगाइएको छ । औषधि खुवाएर र अप्रेसन गरेर दुई पटक भ्रूण हत्या गरेको ले बस्नेतलाई ०७४ को दफा–१८८ को विपरीत भ्रूण हत्या गरेको कारबाही गर्न माग गरिएको छ ।
आफूलाई एमालेकै कार्यकर्ता बताउने ती महिलाले हुलाकमार्फत जिल्ला सरकारी वकिलको कार्यालयमा जबरजस्ती करणी गरेको भन्दै जाहेरी दिएकी थिइन । सरकारी वकिलको कार्यालयले आवश्यक अनुसन्धान गर्न भन्दै जिल्ला प्रहरी परिसर, काठमाडौंलाई जाहेरी पठाएको प्रहरीले जनाएको छ ।
बिज्ञापन
