बजेटको आकार ठूलो बनाउने र खर्च गर्न नसक्ने रोग पूरानै हो । चालु आर्थिक बर्षमा प्रकाशशरण महतले १७ खर्ब ५१ अर्बको बजेट सार्वजनिक गरेका थिए तर ६ महिना बित्दा समेत लक्ष्य अनुसार खर्च गर्न नसक्दा बजेट संशोधन गरी १५ खर्ब ३० अर्ब रुपैयाँमात्रै खर्च हुने संशोधित अनुमान सार्वजनिक गरेका थिए ।
बिज्ञापन
विगतका यी अभ्यासबाट पाठ सिक्नुपर्ने हो तर अर्थ मन्त्रालय र राष्ट्रिय योजना आयोगले १९ खर्ब हाराहारीको बजेट ल्याउने तयारी सुरु गरेका छन् ।
बिज्ञापन
यसैबीच अर्थमन्त्री वर्षमान पुनले आगामी आर्थिक बर्षका लागि बजेट लेखनका लागि ५ सदस्यीय लेखन समिति बनाएका छन् । मन्त्री पुनले अर्थमन्त्रालयका सहसचिव तथा प्रवक्ता धनीराम शर्माको नेतृत्वमा बजेट टोली बनाएका हुन् । समितिमा रितेशकुमार शाक्य, महेश आचार्य, इश्वरी अर्याल र पार्वती शर्मा सदस्य छन् ।शर्मा, शाक्य, अर्याल र आर्चायद्वय अर्थमन्त्रालयमा कार्यरत छन् । पार्वती आन्तरिक राजश्व कार्यालयमा उपमहानिर्देशक छन् ।
समितिका संयोजक शर्माले शनिबार बैठक बसेर काम थाल्ने जनाएका छन् । विषयगत मन्त्रालयहरुसँग समन्वय गरेर तत्काल बजेट लेखनको काम थालिने शर्माको भनाई छ ।
बिज्ञापन
संविधानमा जेठ १५ गते संघीय संसदमा बजेट प्रस्तुत गर्नुपर्ने व्यवस्था छ ।
